‘భాగమతి’ సినిమాతో బ్లాక్ బస్టర్ అందుకున్న టాలీవుడ్ స్టార్ బ్యూటీ అనుష్క శెట్టి కొంత కాలం సినిమాలకు దూరంగా ఉండి ఇప్పుడు మరొక సినిమాతో త్వరలో ప్రేక్షకుల ముందుకు రాబోతున్న సంగతి తెలిసిందే. ఆర్ మాధవన్ హీరోగా నటిస్తున్న ఈ సినిమాకి హేమంత్ మధుకర్ దర్శకత్వం వహిస్తున్నారు. హాలీవుడ్ ప్రముఖ నటుడు మైకేల్ మ్యాడ్సన్, అంజలి, షాలిని పాండే, శ్రీనివాస్ అవసరాల, సుబ్బరాజు తదితరులు ముఖ్య పాత్రలు పోషిస్తున్న ఈ చిత్రం టైటిల్ పోస్టర్ ను విడుదల చేశారు దర్శక నిర్మాతలు. అనుకున్న విధంగానే ఈ సినిమా టైటిల్ ‘నిశ్శబ్ధం’ అని చెప్తున్న పోస్టర్ లో అనుష్క చేతులు సైన్ లాంగ్వేజ్ లో సైలెన్స్ అని చెబుతున్నట్టు ఉన్నాయి.
సస్పెన్స్ థ్రిల్లర్ గా ప్రేక్షకుల ముందుకు రాబోతున్న ఈ సినిమా కచ్చితంగా ప్రేక్షకులను మెప్పిస్తుందని పోస్టర్స్ చూస్తేనే అర్థమవుతుంది. ఇక ఈ సినిమాలో అనుష్క పాత్ర చాలా కొత్తగా ఉండబోతోందని పోస్టర్ చూస్తేనే తెలుస్తోంది. పీపుల్ మీడియా ఫ్యాక్టరీ నిర్మిస్తున్న ఈ సినిమాకి గోపి సుందర్ సంగీతాన్ని అందిస్తున్నారు. తెలుగులో ‘నిశ్శబ్దం’ అనే టైటిల్ తో 2020లో విడుదల కాబోతున్న ఈ సినిమా తమిళ్ మరియు హిందీ భాషలలో కూడా తెరకెక్కనుంది. చాలా కాలం తర్వాత అనుష్క మళ్ళీ నటిస్తున్న సినిమా కాబట్టి ఈ సినిమాపై భారీ అంచనాలు నెలకొన్నాయి.