హీరోయిన్లు అంటే వాళ్లు సినిమాలు చేసుకోవడం.. వచ్చిన అవకాశాలను సద్వినియోగం చేసుకోవడం.. అవకాశం ఉంటే బ్రాండ్ అంబాసిడర్లుగా చేసుకోవడం.. లేకపోతే షాపింగ్ కాంప్లెక్స్ ల రిబ్బన్ కటింగులు చేసుకోవడం వంటి పనులు మాత్రమే చేసుకొంటూ ఉంటారనుకొంటాం. అయితే కొంతమంది మాత్రం వ్యాపారాల్లో దూసుకుపోతున్నారు.
ఇప్పటికే ఇలాంటి వారు కొంతమంది వార్తల్లోకి రాగా.. తాజాగా మాధవీలత కూడా ఈ జాబితాలో స్థానం సంపాదించింది.
ఈ తెలుగమ్మాయి ‘నచ్చావులే’ సినిమాతో తెరకు పరిచయం అయ్యింది. ఆ సినిమా హిట్ కావడంతో ఆమెకు అవకాశాలు బాగానే లభించాయి. అయితే సరైన హిట్ దక్కకపోవడంతో మాధవీలత పని ఖాళీ అయ్యింది. అయితే ఈ ఖాళీలో ఈ భామ ఊరికే ఉండలేదు. వివిధ రకాల వ్యాపారాలు చేస్తోంది.
ఆమెకు రియల్ ఎస్టేట్ వ్యాపారంలో మంచి పట్టు ఉందనిసమాచారం.కొన్ని సంవత్సరాల నుంచి ఈ బిజినెస్ లో బాగా సంపాదించేస్తోంది ఈ హీరోయిన్. ఇంతే కాదు.. ఈ హీరోయిన్ ఇప్పుడు కొత్తగా ఒక ఐటీ కంపెనీని కూడా ప్రారంభించింది. ఈ కంపెనీకి తను చైర్ పర్సన్ హోదాలో ఉంటుంది. అంతే కాదు.. మాధవిలత ఒక విదేశీ యూనివర్సిటీ నుంచి ఫ్యాషన్ డిజైనింగ్ లో డిగ్రీని కూడా పూర్తి చేసింది. మొత్తానికి సినిమాల కన్నా వేరే రకంగానే మాధవిలత బాగా సెటిలయ్యేలా ఉంది!