రానా ఇటీవలే తాను మిహీకా బజాజ్ అమ్మాయితో ప్రేమలో ఉన్నట్లు.. పెళ్లికి ఆమె ఓకే చెప్పిందని చెప్పడంతో అప్పటి నుంచి రానా పెళ్లి గురించి రకరకల వార్తలు వస్తున్నాయి. అయితే నిన్న సాయంత్రం రానా మిహీకా బజాజ్ ల ఎంగెజ్మెంట్ జరుగుతుందని ప్రచారం జరిగింది. అయితే ఆ విషయంను సురేష్ బాబు కొట్టి పారేశాడు.
రానా నిశ్చితార్థం కాదు నేడు ఇరు కుటుంబాలు కలిసి కూర్చుని మాట్లాడుకోబోతున్నాం.. ఎంగెజ్మెంట్ పెళ్లి విషయంలో త్వరలో క్లారిటీ ఇస్తామంటూ సురేష్ బాబు పేర్కొన్నారు. ప్రస్తుతం ఉన్న పరిస్థితుల నేపథ్యంలో నిశ్చితార్థం పెళ్లి ఎలా చేయాలనే విషయాన్ని మాట్లాడబోతున్నట్లుగా చెప్పాడు. సురేష్ బాబు ప్రకటనతో రానా నిశ్చితార్థ విషయంలో క్లారిటీ వచ్చింది. అయితే నేడు సోషల్ మీడియాలో వైరల్ అవుతున్న ఈ ఫొటోలు రానా నిశ్చితార్థం అయ్యిందా అనే అనుమానాలు కలిగిస్తున్నాయి.
మాట్లాడుకోవడంకు కూడా ఇంత హడావుడి చేశారా అంటూ నెటిజన్స్ కామెంట్స్ చేస్తున్నారు. మొత్తానికి రానా మిహికా బజాజ్ ల ఈ ఫొటోలు నెట్టింట తెగ వైరల్ అవుతున్నాయి. రానాకు అప్పుడే పెళ్లి కళ వచ్చేసిందే అంటూ మరికొందరు కామెంట్స్ చేస్తున్నారు. రానా తెల్లటి షర్ట్ వేసుకుని తెల్లటి దోతి కట్టుకోవడంతో మిహీకా బజాజ్ పట్టు చీరలో మెరిసింది. వీరిద్దరు కొత్త పెళ్లి జంటలా మెరిసి పోతున్నారు. వీరి పెళ్లి కోసం దగ్గుబాటి అభిమానులు ఆసక్తిగా ఎదురు చూస్తున్నారు. త్వరలోనే పెళ్లి డేట్ ను అధికారికంగా ప్రకటించే ఛాన్స్ ఉంది.