ఆంధ్రుల‌ను రెచ్చ‌గొడుతున్న రామ్ గోపాల్ వ‌ర్మ‌ ‘కేసీఆర్ బ‌యోపిక్‌’ పాట

టాలీవుడ్ వివాస్ప‌ద ద‌ర్శ‌కుడు రామ్ గోపాల్ వ‌ర్మ తాజాగా మ‌రో క్రేజీ బ‌యోపిక్‌కి తెర‌లేపాడు. తెలంగాణ ముఖ్య‌మంత్రి కేసీఆర్ బ‌యోపిక్‌ను వెండితెర మీద చూపించ‌బోతున్నాడు రామ్ గోపాల్ వ‌ర్మ‌. రెండు రోజులు క్రిత‌మే ఈ బ‌యోపిక్‌కి సంబంధించిన అఫిషియ‌ల్ అనౌన్స్‌మెంట్ చేశాడు రామ్ గోపాల్ వ‌ర్మ‌. సినిమా టైటిల్‌ను ‘టైగర్ కేసీఆర్‌’గా కూడా అనౌన్స్ చేశాడు. తాజాగా ఈ సినిమాకు సంబంధించిన ఓ పాట‌ను కూడా రెడీ చేశాడు. “మా భాష మీద నవ్వినవ్… మా ముఖాల మీద ఊసినవ్… మా బాడీల మీద నడిసినవ్ ఆంధ్రోడా… వస్తున్నా… వస్తున్నా… మీ తాటతీయనీకి వస్తున్నా…” అంటూ తాను ప్రకటించిన ‘టైగర్ కేసీఆర్’ లోని ఓ సాంగ్ లిరిక్స్ ప‌డి వినిపించాడు రామ్ గోపాల్ వ‌ర్మ‌.

ఈ పాట లిరిక్స్ ఇప్పుడు తీవ్ర వివాదం రేపేలా ఉన్నాయి. రామ్ గోపాల్ వర్మ స్వయంగా పాడుతూ వీడియో తీసి యూ ట్యూబ్‌లో విడుదల చేశారు. ఈ వీడియో చూసిన వారంతా ఇది ఆంధ్రులనందరినీ అవమానించేలా ఉందని, ఈ పాటను అంగీకరించేది లేదని కామెంట్లు పెడుతున్నారు. మ‌రి దీనిపై రామ్ గోపాల్ వ‌ర్మ ఎలా స్పందిస్తారో చూడాలి. విడుద‌లకు ముందే ఇన్ని సంచ‌నాలు సృష్టిస్తున్న కేసీఆర్ బ‌యోపిక్ విడుద‌ల త‌రువాత ఇంకెన్ని వివాదాలు సృష్టిస్తుందో చూడాలి.