రవితేజ హిట్ చూసి చాలా రోజులైపోయింది.. అయన చేసిన అరడజను సినిమాలు భారీ పరాజయం పాలయ్యాయి. ప్రస్తుతం చేస్తున్న క్రాక్ సినిమా పైనే ఆశలు పెట్టుకున్నాడు.. అప్పుడెప్పుడో రాజ ది గ్రేట్ సినిమా తో హిట్ అందుకున్న రవితేజ కి ఇప్పటివరకు హిట్ లేదంటే రవితేజ ఎంతలా డౌన్ లో ఉన్నాడో అర్థం చేసుకోవచ్చు.. ఎంతో నమ్మకంతో చేసిన డిస్కో రాజ కూడా ఫ్లాప్ కావడంతో రవితేజ ఈ సారి తప్పకుండా హిట్ కొట్టాలని తనకు అచ్చిచ్చిన డైరెక్టర్ తో చేతులు కలిపాడు..
రవితేజ తో డాన్ శీను, బలుపు వంటి సినిమాలను చేసిన గోపీచంద్ మలినేని తో ఈ సరి మాస్ రాజ సినిమా ను అనౌన్సు చేశాడు.. పోలీస్ పాత్రలకు పెట్టింది పేరుగా ఉన్న రవితేజ మళ్ళీ ఈ సినిమా ద్వారా మళ్ళీ పోలీస్ అవతారం ఎత్తారు. వీరి కాంబినేషన్ లో వస్తున్న మూడో సినిమా గా కాగా త్వరలోనే రిలీజ్ డేట్ ప్రకటించే అవకాశం ఉంది.. ఇక ఈ సినిమా తరువాత రవితేజ చేయబోయే ఖిలాడీ మూవీ ఫస్ట్ లుక్ రిలీజ్ అయ్యింది.. నోట్లు గాల్లో తేలుతుండగా రవితేజ స్టైలిష్ గా ఓ ఫోజిచ్చిన స్టిల్ ని ఇందులో పొందుపరిచారు. అవుట్ అండ్ అవుట్ ఎంటర్ టైనర్ గా రూపొందుతున్న ఈ చిత్రంలో యాక్షన్ ఎలిమెంట్స్ కూడా చాలా ఉంటాయట. విక్రమార్కుడు తరహాలో ఇందులో ఆయన డ్యూయల్ రోల్ చేయనున్నట్టు సమాచారం. అయితే ఆ రెండు పాత్రల స్వభావాలు ఏంటి అనేది మాత్రం ఇంకా బయటికి రాలేదు.
మీనాక్షి చౌదరి, డింపుల్ హయతి హీరోయిన్లుగా నటించనున్నారు. కొంత గ్యాప్ తర్వాత రవితేజకు దేవి శ్రీ ప్రసాద్ సంగీతం అందిస్తున్నారు. కోనేరు సత్యనారాయణ నిర్మాతగా వ్యవహరించే ఖిలాడీకి బడ్జెట్ కూడా భారీగానే కేటాయించినట్టు తెలిసింది. రవితేజకు సాలిడ్ బ్లాక్ బస్టర్స్ ఇప్పుడు చాలా అవసరం. వరసగా వచ్చిన డిజాస్టర్లు ఇమేజ్ పరంగా ఎలాంటి ఇబ్బంది సృష్టించనప్పటికీ మార్కెట్ విషయంలో మాత్రం డ్యామేజ్ జరిగింది. కథల ఎంపికలో పొరపాట్ల కారణంగా తగిన మూల్యమే చెల్లించాల్సి వస్తోంది. మరి ఈ సారి రవిజేతేజ ఇప్పుడు హిట్ కొట్టకపోతే మాత్రం హీరో గా తన కెరీర్ ముగిసిపోతుందనే చెప్పాలి..
బాలయ్య సరసన నటించే ఈ బ్యూటీ ఎవరో తెలుసా ?