బుల్లితెరపై జబర్దస్త్, ఎక్స్ట్రా జబర్దస్త్ వంటి షోలకు ప్రేక్షకుల్లో ఎలాంటి క్రేజ్ ఉందో ప్రత్యేకించి చెప్పనక్కర్లేదు. ఈ వేదిక నుంచి ఎంతో మంది సెలెబ్రిటీలుగా మారారు. అయితే ఎక్స్ట్రా జబర్దస్త్ లో సుడిగాలి సుధీర్ నిత్యం అమ్మాయిలు, డబుల్ మీనింగ్ డైలాగ్స్ అంటూ రెచ్చిపోతుంటాడు. జబర్దస్త్ స్టేజ్ మీద సుడిగాలి సుధీర్ వేసే స్కిట్స్, చెప్పే డైలాగ్స్తో అందరికీ ఓ అభిప్రాయం వచ్చేసేలా ఉంది. నిత్యం అమ్మాయిల గొడవ, పబ్లు, రూమ్ అంటూ స్కిట్స్ మధ్యలో పంచ్లు వేయడం, దానికి రామ్ ప్రసాద్, గెటప్ శ్రీను కూడా తోడవుతుంటారు.
అయితే ఇది ఎంటర్టైన్ చేయడానికే అయినా ప్రతీ సారి అవే కాన్సెప్ట్లు చేయడంతో వారిపై ఓ ముద్ర పడే అవకాశం ఉంది. తాజాగా వేసిన స్కిట్పై రోజా వేసిన సెటైర్ వైరల్ అవుతోంది. తాజాగా వచ్చే వారానికి సంబంధించిన ఎక్స్ట్రా జబర్దస్త్ ప్రోమో రిలీజ్ అయింది. ఇందులో ఓ స్కిట్లో బుల్లెట్ భాస్కర్ పోలీసాఫీసర్గా చేశాడు. స్కిట్ లో భాగంగా సుధీర్ ఓ అమ్మాయి (సునామీ సుధాకర్)ను లేపుకొని రావడం, సరాసరి పోలీస్ స్టేషన్లోకి వస్తూనే రూం ఎక్కడా రూం ఎక్కడా అని అనడం, సెల్లో వేస్తే దిండు, దుప్పటి కావాలా అంటూ మనో సెటైర్ వేయడం ఫుల్ వైరల్ అయింది.
మళ్లీ సుధీర్ మాట్లాడుతూ.. సర్ పూలు, పాలు, హల్వా లాంటివి అని పూర్తి చేయబోతోండగానే.. సిగ్గులేని జన్మ అంటూ రోజా కౌంటర్ వేసింది. దాంతో అందరూ షాక్ అయ్యారు. ఇక పోలీస్ సెల్లో ఉన్న రెండు నెలల్లోనే ఓ పిల్లాడు (నరేష్) పుట్టడం, అతడ్ని ఎత్తుకుని రావడం, ఇలా స్కిట్ అంతా నవ్వులు పూయించారు. మీరు కూడా ఆ ప్రోమో చూడండి.
రామ్ చరణ్ వాడే వాచ్ ధర ఎంతో తెలుసా ?
రానా, మిహీకాల పెళ్లి సందడి మొదలు..!