నాగ‌ర్జున‌తో మ‌రోసారి స‌మంత‌…!

అక్కినేని ఇంటి కోడ‌లు మ‌రోసారి నాగ‌ర్జునతో క‌లిసి న‌టించ‌నుంది. గ‌తంలో వీరిద్ద‌రు మ‌నం, రాజుగారి గ‌ది 2 సినిమాలో న‌టించారు. ఈ రెండు సినిమాలు కూడా మంచి విజ‌యం సాధించాయి. తాజాగా మ‌రోసారి వీరిద్ద‌రు క‌లిసి క‌నిపించ‌నున్నారు. నాగ్ ప్రస్తుతం మ‌న్మ‌థుడు2 సినిమా తీయ‌డానికి రెడీ అవుతున్నాడు. ఈ సినిమాకు హీరో రాహుల్ ద‌ర్శ‌క‌త్వం వ‌హిస్తున్నాడు. ఈ సినిమాలో హీరోయిన్‌గా ర‌కుల్ ప్రీత్ న‌టిస్తోంది.

స‌మంత ఈ సినిమాలో కీల‌క పాత్ర‌లో న‌టిస్తుంద‌ని తెలుస్తోంది. రాహుల్ ఈ పాత్ర కోసం సమంత‌ను ఒప్పించిన‌ట్లు స‌మాచారం.త్వ‌ర‌లోనే ఈ సినిమా సెట్స్‌పైకి వెళ్ల‌నుంది. స‌మంత ప్ర‌స్తుతం వ‌రుస సినిమాలు చేస్తోంది. భ‌ర్త నాగ‌చైత‌న్య‌తో క‌లిసి మ‌జిలి సినిమాలో న‌టిస్తోంది. త‌మిళ 96 రీమేక్ మూవీలో కూడా క‌నిపించ‌నుంది. వీటితో పాటు త‌మిళంలో విజ‌య్ సేతుప‌తితో క‌లిసి మ‌రో సినిమాలో న‌టిస్తుంది.