టాలీవుడ్ సూపర్ స్టార్ మహేష్ బాబు కెరీర్ లో ‘మహర్షి’ సినిమా చాలా కీలకమైనదని తెలిసిన విషయమే. వంశీ పైడిపల్లి దర్శకత్వంలో మహేష్ బాబు మైలు రాయి చిత్రం గా ప్రేక్షకుల ముందుకు వచ్చిన ఈ సినిమాలో పూజా హెగ్డే హీరోయిన్ గా నటించింది. దిల్ రాజు, అశ్వినీ దత్, పీవీపీ సంయుక్తంగా ఈ చిత్రాన్ని నిర్మించారు. దేవి శ్రీ ప్రసాద్ సంగీతాన్ని అందించిన ఈ సినిమా భారీ అంచనాల మధ్య మే 9న విడుదలైంది. అనుకున్నట్లుగానే ఈ సినిమా మొదటి రోజు నుంచి బాక్సాఫీస్ వద్ద భారీ వసూళ్లను నమోదు చేసుకుంటోంది.
ఈ నేపథ్యంలో నిర్మాత దిల్ రాజు మరియు దర్శకుడు వంశీ పైడిపల్లి తిరుపతి వెళ్లి శ్రీవారి దర్శనం చేసుకొని వచ్చారు. అక్కడ మీడియాతో మాట్లాడుతూ ‘మహర్షి’ సినిమాకు మంచి ఆదరణ లభిస్తోందని, అందుకే స్వామివారి ఆశీస్సులు పొందేందుకు తిరుమల వచ్చినట్లు తెలిపారు. ఈ సినిమాలో మహేష్ బాబు మూడు సరి కొత్త లుక్స్ తో ప్రేక్షకులకు ను అలరించాడు. కాలేజీ స్టూడెంట్ గా, మరియు పెద్ద కంపెనీకి సీఈఓగా మాత్రమే కాక ఒక రైతు పాత్రలో కూడా మహేష్ బాబు తన నటనతో అందరినీ మెప్పించాడు.