రానా తన గర్ల్ ఫ్రెండ్ మిహికాను మరి కొద్ది రోజుల్లో పెళ్లి చేసుకోబోతున్నాడు. ఇటీవలే ఇరుకుటుంబాల మధ్య మాటలు జరిగాయి. అందరు కలిసి సరదాగా మాట్లాడుకున్నారు. ఈ సందర్భంగా తీసిన ఫోటోలో సోషల్ మీడియాలో వైరల్ కూడా అయ్యాయి. అయితే వీరి పెళ్లి డిసెంబర్ లో ఉంటుందని తెలుస్తోంది. అప్పటికి సాధారణ పరిస్థితులు ఏర్పడే క్రమంలో భారీగా ఓ డెస్టినేషన్ వెడ్డింగ్ ప్లాన్ చేస్తున్నారట.
మరి రానా ఓ ఇంటివాడు అవుతుండగా.. తన మునపటి గర్ల్ ఫ్రెండ్స్ ఎలా స్పందించారో అనే దానిపై రానా ఇటీవల మంచు లక్ష్మీ టాక్ షోలో తెలియజేశారు. ముఖ్యంగా తన ఒకప్పటి ప్రేయసి త్రిషా స్పందించిన తీరు ఆయన తెలియజేశారు. రానా ప్రేమ మరియు పెళ్లి గురించి తెలిసిన చిత్ర ప్రముఖులు ఫోన్ చేసి, అభినందనలు తెలుపగా త్రిషా సైతం ఫోన్ చేశారట. త్రిష హీరో రానా మరియు మిహికలకు శుభాకాంక్షలు చెప్పారట. అలాగే వీరిద్దరి వివాహ జీవితం హ్యాపీగా సాగాలని ఆమె కోరుకున్నారట.
అలాగే రానాను మిహికా గురించి అనేక విషయాలు అడిగి తెలుసుకుందట త్రిష. ఒకప్పుడు త్రిషా రానా గర్ల్ ఫ్రెండ్ గా ఉంది. చిన్నప్పటి నుండి మిత్రులు అయిన వీరిద్దరి మధ్య కొన్నాళ్ళు ప్రేమాయణం నడిచింది. పాపులర్ హిందీ టాక్ షో కాఫీ విత్ కరణ్ ప్రోగ్రాం లో రానా త్రిషతో బంధం గురించి చెప్పి కొన్నాళ్లు డేటింగ్ జరిపినట్లు ఒప్పుకున్నారు. ఇక సింగర్ సుచిత్ర విడుదల చేసిన సుచి లీక్స్ లో రానా, త్రిషా సన్నిహితంగా ఉన్న ఫోటోలు బయటకు రావడం జరిగింది. ఆ మధ్య వీరిద్దరూ పెళ్లి కూడా చేసుకుంటారని వార్తలు వచ్చాయి. కానీ అందులో నిజం లేదని తాము జస్ట్ ఫ్రెండ్స్ అని చెప్పారు.