యాంకర్ ప్రదీప్ పెళ్లి ఎప్పుడు చేసుకుంటాడా అని ఆయన ఫ్యాన్స్ ఎంతగానో ఎదురు చూస్తున్నారు. సోషల్ మీడియాలో ప్రదీప్ పెళ్లి గురించి వార్తలు కూడా వైరల్ అవుతుంటాయి. అయితే తాజాగా అందరికీ ఓ సర్ ప్రైజ్ వచ్చింది. బుల్లితెరపై పండగలకు స్పెషల్ షో చేస్తారన్న విషయం తెలిసిందే. జీ తెలుగు కూడా స్పెషల్ ఈవెంట్లలతో సత్తా చాటుతోంది.
ఈ దసరాకు మరో కొత్త ప్లాన్ వేశారు. ఈ సారి వాడిన అస్త్రం పేరు యాంకర్ ప్రదీప్. మామూలుగా ఈవెంట్ ఏదైనా సరే యాంకర్ మాత్రం ప్రదీపే. ఎన్నో ఈవెంట్లను తన యాంకరింగ్‌తో గట్టెక్కించాడు. అయితే ఈ సారి మాత్రం ప్రదీప్ యాంకర్ పాత్ర పోషించడం లేదు. అతడినే పెట్టి కొత్త కథ అల్లారు. ఎప్పటి నుంచి నాన్చుతూ వస్తోన్న యాంకర్ ప్రదీప్ పెళ్లినే ఈవెంట్‌గా చేసేందుకు ఫిక్స్ అయ్యారు. ఇప్పటికే శ్రీముఖి బొమ్మ అదిరింది షోతో జీతెలుగులోకి ఎంట్రీ ఇచ్చింది.
ఇక ఈ స్పెషల్ ఈవెంట్లోనూ ప్రదీప్‌తో కలిసి శ్రీముఖి హల్చల్ చేయబోతోన్నట్టు కనిపిస్తోంది. ఈ ఇద్దరికి పెళ్లి అంటూ చి. ప్రదీప్. చిలసౌ శ్రీముఖి అంటూ ఓ శుభలేఖను కూడా రిలీజ్ చేశారు. దసరా ఈవెంట్‌కు సంబంధించిన ప్రోమోలా కనిపిస్తోంది. ఇక ప్రోమోలోనే ఇంత ట్విస్ట్ ఉంటే ఈవెంట్ మొత్తం ఇంకెలా ఉంటుందో చూడాలి. ఇక ఈ ప్రోమో చూసిన ప్రదీప్, శ్రీముఖి ఫ్యాన్స్ తెగ సంతోషపడుతున్నారు. ఇద్దరిది సూపర్ కాంబో అని కామెంట్స్ పెడుతున్నారు.
అనసూయను పడేసేందుకు హైపర్ ఆది ఎన్ని ఇబ్బందులు పడుతున్నాడో..!
లాస్య రెండు సార్లు పెళ్లిపై ఏమన్నాదో తెలుసా ?