అమెరికా అధ్యక్షుడు ట్రంప్ కుటుంబతో భారత్ కు వస్తున్న విషయం తెలిసిందే. ఈ రోజు అహ్మదాబాద్ కి వెళ్లనున్నారు. ఈ మేరకు ఆయనకు భారత్ ఘన స్వాగతం పలకనుంది. అయితే ట్రంప్ భార్య, కూతురు, కొడుకు, అల్లుడు ఇకా ఫ్యామిలీ మొత్తం భారత్ కు వస్తున్నారు.
ఈ నేపథ్యంలో ట్రంప్ భార్యకు మోడీ అద్భుతమైన బహుమతి ఇచ్చేందుకు ఓ అరుదైన చీరను సిద్దం చేయించారు. ఇక పటోలా చీరా ప్రత్యేకత గురించి చూస్తే.. పటోలా చీర అంటే ఇది గుజరాత్ సంస్కృతిలో ఓ భాగం. ఈ చీరను ఆరుగురు కలిసి చేతితో నేస్తారు. ఈ చీర తయారికి దాదాపుగా ఆరు నెలల టైం పడుతుంది. చెట్ల నుండి తీసుకున్న సహజరంగులను ఈ చీర కోసం వాడుతారు.
గుజరాత్ కు పటోలా చీర బ్రాండ్ క్రియేట్ చేసింది. ఇక ఎన్ని సంవత్సరాలు వాడిన ఈ చీరలో మెరుగు తగ్గదు. ఉతికినా రంగు పోదు. పఠాన్ లోని సాల్వి కుటుంబం ఈ చీరను తయారు చేస్తుంది. బంగారంతో తయారు చేస్తున్న ఈ ఖరీదైన చీరను మోడీ తాజా పర్యటనలో ట్రంప్ భార్యకు ఇవ్వబోతున్నాడు.