దేశాన్ని ఆర్థికమాంద్యం చుట్టుముట్టడం.. తెలంగాణ సర్కారు పెండింగ్ బిల్లులు అన్నీ చెల్లించకపోవడంతో తరుముకొస్తున్న విపత్తకు అనుగుణంగా తెలంగాణ సర్కారు పూర్తి స్థాయి బడ్జెట్ లెక్కను రూపొందించింది. ఈ రోజు 11.30 గంటలకు తెలంగాణ బడ్జెట్ అసెంబ్లీలో ప్రవేశపెట్టబడుతుంది.
2019-20 ఆర్థిక సంవత్సరానికి తెలంగాణ బడ్జెట్ ను లెక్కల మాయ చేయకుండా ఆర్థికమాంద్యంను పరిగణలోకి తీసుకొని అక్షరాల 1.65 లక్షల కోట్లకే పరిమితం చేయడం విశేషం. బడ్జెట్ కు నిన్న మంత్రివర్గం ఆమోదించింది. శాసనమండలిలో హరీష్ రావు, శాసనసభలో కేసీఆర్ ఈ బడ్జెట్ ను ప్రవేశపెట్టనున్నారు.
కేంద్రం పార్లమెంట్ లో బడ్జెట్ పెట్టడం.. తెలంగాణకు ఎన్ని నిధులు వస్తాయనే విషయంలో క్లారిటీ రావడంతో వాస్తవిక లెక్కలతోనే కేసీఆర్ బడ్జెట్ ను తక్కువగా చేసి 1.65 లక్షల కోట్లకే పెట్టడం విశేషం. అంతకుముందు 2 లక్షల కోట్ల వరకు తీసుకెళ్లినా అంత ఆదాయం రావడం లేదని గ్రహించి ఈసారి వాస్తవంగా ఎంత పెట్టవచ్చో అంతే పెట్టడం విశేషం.
కాగా తెలంగాణ ప్రాజెక్టులో ముఖ్యంగా వ్యవసాయ రంగం, సంక్షేమం, నీటి పారుదలకు పూర్తి స్థాయిలో కేటాయింపులు చేసినట్లు సమాచారం.