రోహిత్, రాహుల్ సెంచరీలు.. తొలి బంతికే కోహ్లీ అవుట్..!

వైజాగ్ వేదికగా టీమిండియా, వెస్టిండీస్ జట్ల మధ్య జరుగుతున్న రెండో వన్డే జరుగుతుంది. టాస్ ఓడి బ్యాటింగ్ కు దిగిన భారత్ కు ఓపెనర్లు రోహిత్ శర్మ, కేఎల్ రాహుల్(102) అదిరిపోయే ఆరంభాన్నిచ్చారు. వీరిద్దరు పోటాపోటీగా ఆడుతుండంతో స్కోరు అమంతం పెరిపోయింది.

ఈ క్రమంలో రోహిత్ మొదట సెంచరీ చేయగా.. ఆ తర్వాత రాహుల్ కూడా సెంచరీ చేశాడు. టీమిండియా ఓపెనింగ్ జోడీని విడదీసేందుకు విండీస్ బౌలర్లు చేయని ప్రయత్నమంటూ లేదు. కెప్టెన్ కీరన్ పొలార్డ్ ఆరుగురు బౌలర్లను ప్రయోగించినా సెంచరీలు చేయకుండా నిరోధించలేకపోయారు.

ప్రస్తుతం టీమిండియా స్కోరు 37.3 ఓవర్లలో 2 వికెట్ల నష్టానికి 232 పరుగులు. కెప్టెన్ విరాట్ కోహ్లీ డకౌట్ అయ్యాడు. ఆడిన తొలి బంతికే వెనుదిరగడంతో వైజాగ్ ప్రేక్షకులు నిరాశకు గురయ్యారు. ప్రస్తుతం క్రీజులో రోహిత్ (120) కు జతగా అయ్యర్ ఉన్నాడు.