డేవిడ్ వార్న‌ర్ మెరుపు అర్ధ‌శ‌త‌కం…కోల్‌క‌తాకు భారీ ల‌క్ష్యాన్ని నిర్దేశించిన హైద‌రాబాద్‌

ఐపీఎల్‌ 2019 సీజన్‌లో భాగంగా హైద‌రాబాద్ స‌న్ రైజ‌ర్స్ , కోల్‌క‌తా మ‌ధ్య జ‌రిగిన మ్యాచ్‌లో హైద‌రాబాద్ భారీ స్కోరు చేసింది. డేవిడ్ వార్న‌ర్ మెరుపులు మెరిపించ‌డంతో 3 వికెట్లు కోల్పోయి నిర్ణీత 20 ఓవర్లలో 182 పరుగుల భారీ స్కోరు న‌మోదు చేసింది. ఓపెనర్ డేవిడ్ వార్నర్ (85: 53 బంతుల్లో 9×4, 3×6) మెరుపు అర్ధశతకం సాధించాడు. వార్న‌ర్ తొలివికెట్‌కు జానీ బెయిర్‌స్టో (39: 35 బంతుల్లో 3×4, 1×6)తో కలిసి 118 పరుగుల భాగస్వామ్యం నెలకొల్పగా.. ఆ తర్వాత వచ్చిన విజయ్ శంకర్ (40 నాటౌట్: 24 బంతుల్లో 2×4, 2×6) కీలక ఇన్నింగ్స్ ఆడాడు. హిట్టర్ యూసఫ్ పఠాన్ (1: 4 బంతుల్లో) నిరాశపరచగా.. మనీశ్ పాండే (8 నాటౌట్: 5 బంతుల్లో 1×4) ఆఖర్లో కాసేపు శంకర్‌కి సహకారం అందించాడు. మ్యాచ్‌లో టాస్ గెలిచిన కోల్‌కతా నైట్‌రైడర్స్ కెప్టెన్ దినేశ్ కార్తీక్ ఫీల్డింగ్ ఎంచుకున్నాడు. గాయం కారణంగా సన్‌రైజర్స్ రెగ్యులర్ కెప్టెన్ కేన్ విలియమ్సన్‌ మ్యాచ్‌కి దూరమవడంతో.. వైస్ కెప్టెన్ భువనేశ్వర్ టాస్‌కి వచ్చాడు.