జోర్డాన్‌కు జూనియర్ ఎన్టీఆర్..ఎందుకో తెలుసా!

ప్రశాంత్ నీల్ దర్శకత్వంలో తెరకెక్కుతున్న తన తదుపరి భారీ చిత్రానికి జూనియర్ ఎన్టీఆర్ (తారక్) స్పెషల్ ఫిట్‌నెస్‌తో కనిపిస్తున్నారు. ఈ సినిమా షూటింగ్ ఇప్పటికే కొనసాగుతుండగా, కీలక సన్నివేశాల చిత్రీకరణ కోసం విదేశాలకు వెళ్లింది చిత్రయూనిట్.

ఇవాళ ఉదయం హైదరాబాద్‌లోని రాజీవ్ గాంధీ అంతర్జాతీయ విమానాశ్రయంలో (RGIA) జోర్డాన్‌కు బయలుదేరుతున్న జూనియర్ ఎన్టీఆర్‌ను చూసిన అభిమానులు ఉత్సాహానికి లోనయ్యారు. జోర్డాన్‌లో ఈ వారం నుంచే చిత్రీకరణ ప్రారంభమై కొన్ని రోజుల పాటు కొనసాగనుంది.

‘డ్రాగన్’ అనే టైటిల్‌తో తెరకెక్కుతున్న ఈ చిత్రం 2026 జూన్ 25న విడుదలకు సిద్ధమవుతోంది. ఈ యాక్షన్ ఎంటర్‌టైనర్‌లో రుక్మిణి వసంత్ కథానాయికగా నటిస్తుండగా, మైత్రి మూవీ మేకర్స్ మరియు ఎన్టీఆర్ ఆర్ట్స్ సంయుక్తంగా ఈ చిత్రాన్ని నిర్మిస్తున్నాయి. సంగీతాన్ని రవి బస్రూర్ సమకూరుస్తున్నారు.