ఇవాళ జరగనున్న #IndvsSA మ్యాచ్లో భారత యువ ఓపెనర్ Abhishek Sharmaకు నిజమైన అగ్నిపరీక్ష ఎదురుకానుంది. ఈ వరల్డ్ కప్లో ఇప్పటివరకు మూడు సార్లు డకౌట్ కావడంతో అభిమానులు తీవ్ర నిరాశకు గురయ్యారు. అతనిపై ఉన్న భారీ అంచనాలకు తగిన ప్రదర్శన చేయలేకపోవడం చర్చనీయాంశమైంది.
సౌతాఫ్రికాతో జరిగే ఈ కీలక మ్యాచ్లోనైనా అభిషేక్ ఫామ్లోకి రావాలని భారత అభిమానులు ఆశిస్తున్నారు. పవర్ప్లేలో దూకుడుగా ఆడే సామర్థ్యం ఉన్న అతను ఒకసారి లయ అందుకుంటే మ్యాచ్ గమనాన్ని మార్చగలడని విశ్లేషకులు అంటున్నారు. అయితే వరుస వైఫల్యాలు అతనిపై ఒత్తిడిని పెంచాయి.
ఈ మ్యాచ్లో కూడా విఫలమైతే జట్టులో అతని స్థానం ప్రమాదంలో పడే అవకాశం ఉందని క్రీడా వర్గాల్లో చర్చ జరుగుతోంది. బెంచ్పై ఇతర ఆటగాళ్లు అవకాశానికి సిద్ధంగా ఉన్న నేపథ్యంలో, అభిషేక్కు ఇది అత్యంత కీలక సమయం. అభిమానుల మద్దతుతో ఈ సవాల్ను అతను ఎలా ఎదుర్కొంటాడో చూడాలి.