హైదరాబాద్‌లోని ఐకానిక్ అన్నపూర్ణ స్టూడియోస్‌లో అత్యద్భుతమైన టెంపుల్ థీం సెటప్‌తో ఘనమైన సాంప్రదాయ తెలుగు పెళ్లిలో నాగ చైతన్య, శోభితా ధూళిపాళల వివాహం గురించి అక్కినేని కుటుంబం ఆనందంగా ప్రకటించింది. అక్కినేని నాగేశ్వరరావు (ANR) గారి విగ్రహాన్ని ఆవిష్కరించినప్పటి నుంచి, దిగ్గజ నటుడు-నిర్మాత శతజయంతి ఉత్సవాలను పురస్కరించుకుని జరుగుతున్న మొదటి ప్రధాన వేడుక అయినందున ఈ ప్రత్యేక సందర్భానికి గొప్ప సెంటిమెంట్ వాల్యూ వుంది.
రాత్రి 8:13 గంటలకు శుభ ముహూర్తన జరిగిన ఈ పెళ్లి తెలుగు సంప్రదాయాలకు అద్దంపట్టేలా, పెద్దల ఆధ్వర్యంలో ఆచార వ్యవహారాలతో అంగరంగ వైభవంగా జరిగింది. ఈ మహత్తర క్షణాన్ని చూసేందుకు తరలివచ్చిన కుటుంబ సభ్యులు, స్నేహితుల హృదయపూర్వక ఆశీర్వాదాలతో పండుగ వాతావరణం సుసంపన్నమైంది. ఈ కార్యక్రమానికి కుటుంబ సభ్యులు, సన్నిహితులతో పాటు పలువురు ప్రముఖులు కూడా హాజరయ్యారు.
ఈ సంతోషకరమైన సందర్భం గురించి నాగార్జున అక్కినేని మాట్లాడుతూ, “ఈ పెళ్లి మా కుటుంబానికి చాలా గొప్ప క్షణం. చై, శోభిత అన్నపూర్ణ స్టూడియోస్‌లో వారి ప్రయాణాన్ని ప్రారంభించడం, కుటుంబం, స్నేహితుల ప్రేమతో నా హృదయాన్ని ఎనలేని ఆనందం, కృతజ్ఞతతో నింపుతోంది. ఇది ప్రేమ, సంప్రదాయం, ఐక్యత యొక్క వేడుక, ఇది మా నాన్న కోసం నిలబడిన విలువలను ప్రతిబింబిస్తుంది-కుటుంబం, గౌరవం, ఐక్యత మనందరికీ చాలా సంతోషకరమైన క్షణం, దానికి సాక్ష్యమివ్వడం నిజంగా ఆశీర్వాదంగా భావిస్తున్నాము అన్నారు.
లగ్నం కోసం, వధువు నిజమైన బంగారు జరీతో లగ్జరీ యాంటిక్ బంగారు చీరలో అద్భుతంగా కనిపించారు, సంప్రదాయ పట్టు చీర ఎలిగెన్స్ ని ప్రతిబింబిస్తుంది. వరుడు మధుపర్కం వేషధారణతో అద్భుతంగా కనిపించారు, ఒక బోల్డ్ రెడ్ బార్డర్‌తో కూడిన ప్రత్యేక సంప్రదాయ తెల్లటి పంచా, వేడుకకు అధునాతనతను జోడించింది, రెండూ వారి తెలుగు మూలాలతో ఉన్న లోతైన అనుబంధాన్ని ప్రతిబింబిస్తాయి. ఈ ఈవెంట్ సాంప్రదాయం, ఆధునికతను అందంగా బ్లెండ్ చేసి, ప్రతి ఒక్కరి హృదయాలలో శాశ్వత జ్ఞాపకాలను మిగిల్చింది.