పవన్ అభిమానులకు పండగే.. పండగ!

న్యూ ఇయర్ సందర్భంగా పవన్ నటించిన సర్దార్ గబ్బర్ సింగ్ సినిమా టిజర్ విడుదల చేస్తారు అనుకున్నారు. న్యూ ఇయర్ గిఫ్ట్ గా పవన్ అభిమానులు టీజర్ కోసం చూసారు. అయితే కొన్ని సినిమాల రిలీజుల్లో దేవిశ్రీప్రసాద్ బిజీగా ఉండటం వల్ల ఈ టీజర్ కు సంబందించి మ్యూజిక్ చేయడం లేటయ్యింది.

రీసెంట్ గా సర్దార్ టీజర్‍కు దేవి మ్యూజిక్ ఇవ్వడంతో జనవరి 14న ఈ సినిమా టీజర్ ను విడుదల చేస్తున్నట్లు ప్రకటించారు యునిట్.  ఈ విషయం తెలుసుకున్న పవన్ అభిమానులు తెగ సంతోష పడుతున్నారు. పవన్ సరసన కాజల్ హీరోయిన్‍గా నటిస్తున్న ఈ సినిమాకి బాబీ దర్శకత్వం వహిస్తున్నారు.

ప్రస్తుతం హైదరాబాద్‍లో షూటింగ్ జరుపుకుంటున్న ఈ సినిమాని సమ్మర్‍లో విడుదలకు ప్లాన్ చేస్తున్నారు. సో సంక్రాంతి పండగకు పవన్ అభిమానులు సర్దార్ టీజర్‍తో పండగ చేసుకోబోతున్నారు.