దేశంలో రోజు రోజుకీ ఆడవారిపై అఘాయిత్యాలు పెరిగిపోతున్నాయి. చిన్న పిల్ల నుంచి వృద్దుల వరకు మహిళలు కనిపిస్తే చాలు రెచ్చిపోతున్నారు. ఆ మద్య వరంగల్ లో తొమ్మిది నెలల చిన్నారిపై అత్యాచారం చేసి దారుణంగా చంపాడు ఓ కామాంధుడు. ఇలా చిన్న పిల్లలపై అత్యాచారాలే కాదు హత్యలు చేసిన ఘటనలు వెలుగులోకి వచ్చాయి. తాజాగా నాలుగేళ్ల చిన్నారిపై యువకుడు అత్యాచారం చేసిన ఘటన తెలంగాణలోని భద్రాద్రి కొత్తగూడెం జిల్లా బూర్గంపహ్డ్ మండల పరిధిలో చోటు చేసుకుంది.
చాక్లెట్ కొనుక్కోనేందుకు ఇంటి సమీపంలోని కిరాణా దుకాణానికి వెళ్లింది. అక్కడే ఉండే ఓ ఆటో డ్రైవర్ కి ఆ చిన్నారిపై కన్ను పడింది. చాక్లెట్లు ఇస్తానని చెప్పి బాలికను ఇంట్లోకి తీసుకెళ్లి అత్యాచారం చేశాడు. చిన్నారి ఏడుస్తూ ఇంటికి వచ్చి తల్లికి జరిగిన విషయాన్ని తెలిపింది.
దాంతో తల్లిదండ్రులు స్థానికులతో కలసి దుకాణం వద్దకు వెళ్లి ఆ కామాంధుడిని చితకబాదారు. అనంతరం పోలీసుస్టేషన్లో నిందితుడిని అప్పగించారు. గణేశ్పై పోక్సో కేసుతో పాటు పలు సెక్షన్ల కింద కేసు నమోదు చేసి దర్యాప్తు చేస్తున్నట్లు ఎస్సై బమ్మెర బాలకృష్ణ తెలిపారు.