వైసీపీ నేత సజ్జలకు బిగ్ రిలీఫ్

వైసీపీ కీలక నేత సజ్జలకు బిగ్ రిలీఫ్ లభించింది. సజ్జల రామకృష్ణారెడ్డి, ఆయన కుమారుడు భార్గవరెడ్డికి హైకోర్టు ముందస్తు బెయిల్ మంజూరు చేసింది. ఓబుళవారిపల్లె పోలీసులు వీరి అరెస్ట్‌కు సిద్ధమవుతున్న నేపథ్యంలో, ఇద్దరూ హైకోర్టును ఆశ్రయించారు. న్యాయస్థానం ఈ అభ్యర్థనను పరిశీలించి, రూ. 10 వేల చొప్పున రెండు పూచీకత్తులు సమర్పించాలని, విచారణకు సహకరించాలని ఆదేశించింది.

ఓబుళవారిపల్లె పోలీసులు సజ్జల, భార్గవరెడ్డిలపై కేసు నమోదు చేశారు. ఈ కేసు రాజకీయంగా పెద్ద చర్చనీయాంశంగా మారింది. హైకోర్టులో వారికి ముందస్తు బెయిల్ మంజూరవ్వడం రాజకీయ ఉత్కంఠను మరింత పెంచింది.

సజ్జల, భార్గవరెడ్డిలకు ముందస్తు బెయిల్ లభించినా, ఈ కేసులో దర్యాప్తు కొనసాగుతుందని న్యాయవర్గాలు స్పష్టం చేశాయి.