వైసీపీ నేత, మాజీ మంత్రి పేర్ని నానికి ఏపీ హైకోర్టులో రిలీఫ్ దక్కింది. సోమవారం వరకు పేర్నినానిపై ఎలాంటి చర్యలు తీసుకోవద్దని పోలీసులకు హైకోర్టు ఆదేశాలు జారీ చేసింది. తదుపరి విచారణను వాయిదా వేసింది.
పౌరసరఫరాల సంస్థకు సంబంధించిన కేసులో పేర్ని నానిని ఏ6గా చేర్చారు పోలీసులు. దీనిపై లంచ్‌ మోషన్‌ పిటిషన్‌ దాఖలు చేశారు నాని. ఈ కేసులో ఇప్పటికే కోటి 68 లక్షలు పేర్ని నాని కుటుంబం చెల్లించింది. మరో కోటి 67 లక్షలు రికవరీ చెల్లించాలంటూ జయసుధకు కృష్ణాజిల్లా జాయింట్ కలెక్టర్ నోటీసులు పంపించారు. జయసుధకు ముందస్తు బెయిల్ రాగానే పేర్ని నానిని ఏ6గా కేసులో పోలీసులు చేర్చారు.
పేర్ని జయసుధ కేసులో మచిలీపట్నం రూరల్‌ పోలీసులు సోమవారం రాత్రి నలుగురి ని అరెస్టు చేశారు. వీరికి జడ్జీ 12 రోజులు రిమాండ్‌ విధించారు.
