చందమామ కథలు చిన్న సినిమాగా రిలీజ్ అయ్యి గత ఏడాది జాతీయ ఉత్తమ ప్రాంతీయ తెలుగు చిత్రంగా ఎంపికైన విషయం తెలిసిందే. అప్పుడు మీడియాలో ఈ సినిమాకి మంచి ప్రచారం దక్కింది. అలాగే సోషల్ మీడియాలో ఈ సినిమా గురించి పెద్ద ఎత్తున చర్చ జరిగింది. అలాగే ప్రవీణ్ సత్తారు గురించి అందరికీ తెలిసింది.
సో ఈ లెక్కన చూస్తే క్రిష్ లాంటి పేరున్న డైరెక్టర్ తీసిన కంచె లాంటి గొప్ప సినిమాకి ఓ రెంజ్ లో చర్చ జరుగుతుండాలి. క్రిష్ గురించి అందరు ప్రశంసల వర్షం కురిపిస్తుండాలి. ‘కంచె’ మన తెలుగు సినిమాకు గర్వకారణం అంటూ అందరూ ఆకాశానికెత్తేస్తుండాలి. కానీ అవేమీ లేవిప్పుడు కారణం బాహుబలి సినిమా.
బహుబలి చిత్రం ఏకంగా జాతీయ ఉత్తమ చలనచిత్రంగా ఎంపికయ్యాక ఉత్తమ ప్రాంతీయ చిత్రం గురించి పట్టేదెవ్వరికి? అందరూ ‘బాహుబలి’ని చూసి గర్విస్తున్నారు. దాని మీదే ప్రశంసలు కురిపిస్తున్నారు. మధ్యలో మొక్కుబడిగా కొందరు ‘కంచె’ను ప్రస్తావిస్తున్నారు. నిజానికి ‘బాహుబలి’ని చూసి మనం ఎంత గర్విస్తామో.. అలాగే ‘కంచె’ను చూసి కూడా అంతే గర్వించాలి. కంటెంట్ పరంగా చూస్తే కంచె.. ‘బాహుబలి’ని మించిన సినిమా.
నిజాన్నికి కంచె రిలీజ్ అయిన సమయంలో ఇంక మనం బాహుబలి మత్తులోనే ఉన్నాం. కంచె కు ఇవ్వాల్సిన విజయాన్ని గుర్తింపును సరిగ్గ ఇవ్వలేకపోయాం. ఇప్పుడు జాతీయ అవార్డుల విషయంలోనూ ‘కంచె’.. బాహుబలి కారణంగా దెబ్బ తింది. బాహుబలి సినిమా లేకపోయి ఉంటె కంచె చిత్రాన్నికి మంచి గుర్తింపు వచ్చెదేమో.