భారత క్రికెటర్లు జపాన్తో ఒకే ఒక టీ20 మ్యాచ్ ఆడేందుకు సర్వం సిద్ధం చేసుకున్నారు. భారత్ – జపాన్ దేశాల మధ్య 75 ఏళ్ల స్నేహానికి ప్రతీకగా ఈ ప్రత్యేక మ్యాచ్ను నిర్వహిస్తున్నారు. ఈ చరిత్రాత్మక మ్యాచ్కు జపాన్లోని సానో క్రికెట్ స్టేడియం వేదికగా నిలిచింది. అయితే ప్రస్తుతం అక్కడి వాతావరణ పరిస్థితులు తీవ్ర ఆందోళన కలిగిస్తున్నాయి. టైఫూన్ డుజాన్ ప్రభావంతో భారీ వర్షాలు కురిసే అవకాశం ఉందని అక్కడి వాతావరణ శాఖ హెచ్చరిస్తోంది. దీంతో ఈ ప్రతిష్టాత్మక మ్యాచ్కు వర్షం అంతరాయం కలిగిస్తుందా అనే అనుమానాలు వ్యక్తమవుతున్నాయి.
భారత కాలమానం ప్రకారం మంగళవారం ఉదయం 9.30 గంటలకు ఈ మ్యాచ్ ప్రారంభం కానుంది. వాతావరణ నివేదికల ప్రకారం సానో స్టేడియం ఉన్న కాంటో ప్రాంతంలో ఇప్పటికే వర్షాలు కురుస్తున్నాయి. అయితే మ్యాచ్ జరిగే సమయానికి వాతావరణ పరిస్థితులు కాస్త మెరుగవుతాయని స్థానిక అధికారులు ధీమా వ్యక్తం చేస్తున్నారు.
మరోవైపు, జపాన్ వేదికగా జరుగుతున్న ఆసియా క్రీడలను కూడా వర్షాలు తీవ్రంగా ఇబ్బంది పెడుతున్నాయి. వర్షం కారణంగా ఇప్పటికే ఈక్వెస్ట్రియన్ ఈవెంట్ కూడా మంగళవారానికి వాయిదా పడింది. ఇండోర్ స్టేడియాల్లో జరిగే పోటీలకు ఎలాంటి సమస్య లేకపోయినా.. ఔట్ డోర్ క్రీడలకు మాత్రం వర్షం పెద్ద అడ్డంకిగా మారుతోంది.
ఇదిలా ఉంటే, ఆసియా క్రీడల్లో డిఫెండింగ్ ఛాంపియన్గా బరిలోకి దిగిన భారత మహిళల క్రికెట్ జట్టు అద్భుత ప్రదర్శన కనబరుస్తోంది. మరో అడుగు ముందుకు వేస్తే పసిడి పతారాన్ని సొంతం చేసుకునేందుకు టీమ్ఇండియా సిద్ధంగా ఉంది. వర్షం గండం గట్టెక్కిస్తే ఈ మ్యాచ్లు అద్భుతంగా సాగనున్నాయి.