అక్కినేని నాగచైతన్య పుట్టిన రోజు సంద‌ర్భంగా ఆయ‌న నటిస్తున్న కొత్త సినిమా ఫస్ట్ లుక్ పోస్ట‌ర్‌ని విడుద‌ల చేశారు.ఈ సినిమాలో హీరోయిన్‌గా సమంత న‌టిస్తుంది. పెళ్లి తర్వాత తొలిసారి కలిసి నటిస్తున్న ఈ జంట, తెరపై కూడా భార్యా భర్తలుగా తెరపై అల్లరి చేయబోతున్నారు. ఈ సినిమాలో మాజీ క్రికెటర్‌గా నాగచైతన్య, రైల్వే ఉద్యోగినిగా సమంత కనిపిస్తారని సమాచారం. కథ పరంగా తరచూ గొడవపడే భార్యాభర్తలుగా నటిస్తున్నారు చైతన్య, సమంత. ‘మజిలీ’అనే వర్కింగ్‌ టైటి ల్‌ తో రూపొందుతున్న ఈ చిత్రం రీసెంట్ గా వైజాగ్‌లో ప్రారంభమై ఫస్ట్ షెడ్యూల్‌ పూర్తి చేసుకుంది.
ముఖ్యంగా రైల్వేస్టేషన్‌లో చైతన్య, సమంతలపై కీలక సన్నివేశాలను షూట్ చేసారు. అలాగే బడి, గుడికి సంబంధించిన సీన్స్‌ తీశారు. ఈ సీన్స్‌ సినిమాలో ఫ్లాష్‌బ్యాక్‌లో వస్తాయట.రొమాంటిక్‌ డ్రామాగా రూపొందుతున్న చిత్రమిది. శివ నిర్వాణ దర్శకత్వంలో షైన్‌ స్క్రీన్‌ పతాకంపై సాహు గారపాటి, హరీష్‌ పెద్ది ఓ చిత్రాన్ని నిర్మిస్తున్నారు. ఈ సినిమాలో దివ్యాంశ కౌశిక్‌ మరో హీరోయిన్ గా నటిస్తోంది. రీసెంట్ గా విశాఖపట్నంలో కీలక సన్నివేశాల్ని తెరకెక్కించారు. ఈ నెల 26 నుంచి హైదరాబాద్‌లో కొత్త షెడ్యూల్‌ మొదలవుతుంది.