నందమూరి అందగాడు బాలక్రష్ణ కొత్తసినిమా గౌతమి పుత్ర శాతకర్ణి ఫస్ట్ లుక్ ను విడుదల చేశారు. శుక్రవారం నాడు బాలక్రష్ణ పుట్టిన రోజు. ఈ సందర్భంగా ఈ పోస్టర్ ను విడుదల చేశారు. క్రిష్ దర్శకత్వం వహిస్తున్న ఈ చిత్రం బాలక్రష్ణ స్ధాయిని పెంచుతుందని అందరూ ఆశిస్తున్నారు. ఫస్ట్ లుక్ పోస్టర్ కూడా బాలయ్య బాబు అభిమానుల అంచనాకు తగ్గట్టుగానే ఉంది.
ఈ పోస్టర్లో చిత్ర యూనిట్ కు సంబంధించిన వారందరి పేర్ల చివర పుత్ర జోడించడం విశేషం. బాలక్రష్ణను బసవరామతారక పుత్రగా , దర్శకుడు క్రిష్ ను అంజనా పుత్ర క్రిష్ గా, నిర్మాతలను కమలాపుత్ర రాజీవ్ రెడ్డి, సీతారామపుత్ర సాయిబాబా అని ముద్రించడం విశేషం. అలాగే ఈ సినిమాకు పనిచేస్తున్న సాంకేతిక నిపుణుల పేర్లకు కూడా ఈ పుత్ర తగిలించారు.
ఈ చిత్రం తొలి షెడ్యూల్ మొరాకోలో పూర్తి చేశారు. భారీ యుద్ధ నౌకతో వేసిన సెట్లో హైదరాబాద్ లో రెండో షెడ్యూల్ ప్రారంభమవుతుంది. ప్రస్తుతం బాలయ్య బాబు అమెరికాలో ఉన్నారు. ఆయన పుట్టిన రోజు వేడుకలను అమెరికాలోని ఆయన అభిమానుల సమక్షంలోనే జరుపుకుంటున్నారు.