హీరోయిన్ అంటే కేవలం గ్లామర్ అనేది ఇప్పుడు నడుస్తోంది. కానీ 30 ఏళ్ల క్రితం గ్లామర్ గా నటించాలంటే కథ డిమాండ్ చేయాలి. క్యారెక్టర్‌కి తగ్గట్లు కథ ఉంటే ఎక్స్ పోజింగ్ చేస్తారు. ఇదే మాట చెబుతోంది అప్పటి హీరోయిన్ యమునా. తెలుగు సినిమాల్లో నటించి మంచి నటిగా గుర్తింపు తెచ్చుకుంది యమునా. ప్రస్తుతం బిల్లితెరపై సీరియల్స్ చేస్తోంది.
ఇక ఆమె చేసిన మౌన పోరాటం సినిమా గురించి మాట్లాడుతూ.. “ఎక్స్‌పోజింగ్ అంటే.. కొంత వరకూ నేను చేసిన మొదటి సినిమా మౌనపోరాటంలో ఎక్స్‌పోజింగ్ చెయ్యాల్సి వచ్చింది. అంటే ఆ క్యారెక్టర్ కోసం.. మౌనపోరాటం అంటే.. క్యారెక్టరే మోసపోవడం… మోసపోవడం అన్నప్పుడు కొన్ని షార్ట్ చూపించాలి కాబట్టి చెయ్యాల్సి వచ్చింది. అది కూడా నేను చెయ్యాలా అనుకుంటూ ఇబ్బంది పడేదాన్ని. పాపం డైరెక్టర్ గారు ఎక్స్‌ప్లైన్ చేశారు.. ఈ క్యారెక్టర్ అదే. అలా చెయ్యకపోతే సినిమానే పడిపోతుంది.. ఇదీ కంటెంట్ అని చాలా చెప్పారు. అందుకే అది చేశాను. అయితే కొన్ని ఎక్స్‌పోజ్ చెయ్యాల్సిన అవసరం లేదేమో.. అనవసరంగా చేశానేమో అని బాధగా ఉంటుంది నాకు అప్పుడప్పుడు.
రిజెక్ట్ చేసి ఉండాల్సింది ఈ క్యారెక్టర్ అని నాలో నేను బాధపడిన సందర్భాలు ఉన్నాయి. అప్పుడు భయం.. మాట్లాడటానికి, ఎదురు చెప్పడానికి భయం ఉండేది. ప్లెస్ మనం కొత్తగా వచ్చాం.. అంత స్ట్రాంగ్‌గా మాట్లాడటానికి ధైర్యం ఉండేది కాదు. ఇప్పటి కాలం హీరోయిన్స్ చాలా బెటర్. వాళ్లకి ఇండివిడ్యువాలిటీ ఎక్కువ. అప్పుడు అలా కాదు. డిపెండెన్సీ ఎక్కువ. అయ్యో డైరెక్టర్ గారు చెప్పారు.. మనం చెయ్యాలేమో అనే భయం ఉండేది. కానీ ఇప్పుడు ఎప్పుడైనా అవి(తను చేసి క్యారెక్టర్స్) చూసుకుంటే.. ఇది అవసరం లేదేమో కదా.. ఎందుకు చేశామా..? అని కొంచెం అనిపిస్తుంది. అవసరం లేదు.. నో చెప్పి ఉండొచ్చు.. కానీ చెప్పలేకపోయానని అనిపిస్తుంది’ అని యమునా చెప్పుకొచ్చింది.