పెళ్లి చూపులు సినిమా తో పరిచయమై హిట్ అందుకున్నహీరో విజయ్ దేవరకొండ..ఆ తర్వాత అయన చేసిన అర్జున్ రెడ్డి సినిమా గురించి అందరు ఇప్పటికి మాట్లాడుకుంటున్నారంటే తన యాక్టింగ్ తో విజయ్ దేవరకొండ ప్రేక్షకుల్లో ఎంత ఇంపాక్ట్ క్రియేట్ చేశాడో అర్థం చేసుకోవచ్చు.. ఈ సినిమా తో పది సినిమాలు చేస్తే వచ్చే క్రేజ్ సంపాదించుకుని స్టార్ హీరోల జాబితాలో చేరిపోయాడు.. పెద్ద పెద్ద హీరోలు సైతం విజయ్ నటన ని చూసి ఎంతో పొగిడేస్తూ ఉంటారు.. ఆ తర్వాత చేసిన సినిమాలన్నీ ఒక్కొకటి గా హిట్ అందుకుని ఏ హీరోకి అందనంత రేంజ్ లోకి వెళ్ళిపోయాడు..
ఇక ప్రస్తుతం పూరి జగన్నాధ్ దర్శకత్వంలో ఓ సినిమా చేస్తున్న సంగతి తెలిసిందే.. నవంబర్ నుంచి షూటింగ్ కంటిన్యూ చేసేలా ఏర్పాట్లు జరుగుతున్నాయి. ముంబైలో కీలకమైన షెడ్యూల్ ఇంకా బ్యాలన్స్ ఉంది. అనన్య పాండే హీరోయిన్ గా పరిచయమవుతున్న ఈ యాక్షన్ థ్రిల్లర్ లో రమ్యకృష్ణ ఓ కీలక పాత్ర చేస్తున్నారు. అమ్మ నాన్న తమిళ అమ్మాయి తర్వాత ఎమోషనల్ డ్రామాలకు దూరంగా ఉన్న పూరి ఇందులో దాన్ని కూడా మిస్ కాకుండా చూస్తున్నారట.
ఇక ఈ సినిమా తర్వాత విజయ్ చేయబోయే సినిమా పై ఈరోజు అనౌన్సమెంట్ వచ్చేసింది.. సుకుమార్ దర్శకత్వంలో విజయ్ దేవరకొండ తన నెక్స్ట్ సినిమా చేయబోతున్నాడు.. అయితే ఏ జానర్ లో ఇది తీయబోతున్నారు ఎలా ఉంటుందనే వివరాలు మాత్రం ఇంకా చెప్పలేదు. సుకుమార్ సైతం పుష్ప గురించి తప్ప విజయ్ దేవరకొండతో చేసే ఛాన్స్ ఉన్నట్టు ఎప్పుడూ క్లూ కూడా ఇవ్వలేదు. సో ఇది ఎలా చూసుకున్నా స్వీట్ సర్ప్రైజ్ అని చెప్పాలి. ఈ సినిమా విడుదల 2022లో ఉంటుంది.