తమిళనాడు రాజకీయాల్లో ఒక చారిత్రాత్మక ఘట్టం ఆవిష్కృతం కానుంది. ఆ రాష్ట్ర 9వ సీఎంగా విజయ్ ప్రమాణస్వీకారం చేయనున్నారు. ఉదయం 10 గంటలకు రాజ్భవన్లో జరిగే ఈ కార్యక్రమంలో విజయ్ చేత ప్రమాణస్వీకారం చేయించనున్నారు గవర్నర్.
ఈ కార్యక్రమంలో ఇండియా కూటమి భాగస్వామ్య పక్షాలైన కాంగ్రెస్, సిపిఐ (CPI), సిపిఎం (CPI-M), ఐయూఎంఎల్ (IUML) మరియు విసికె (VCK) నేతలు పాల్గొని విజయ్కు తమ మద్దతును ప్రకటించారు.
ముఖ్యమంత్రిగా బాధ్యతలు స్వీకరించిన వెంటనే విజయ్, తన ఎన్నికల మేనిఫెస్టోలో ఇచ్చిన హామీ మేరకు సంక్షేమ పథకానికి సంబంధించిన కీలక ఫైలుపై తొలి సంతకం చేయనున్నారు.
దశాబ్దాల కాలంగా డిఎంకె (DMK) మరియు ఏఐఏడిఎంకె (AIADMK) మధ్య సాగుతున్న తమిళ రాజకీయ పోరులో, విజయ్ నేతృత్వంలోని టీవీకే మూడవ ప్రత్యామ్నాయంగా అవతరించి అధికారాన్ని దక్కించుకోవడం విశేషం. కూటమిలోని ఇతర పార్టీల సహకారంతో విజయ్ సుస్థిర పరిపాలన అందిస్తారని రాజకీయ విశ్లేషకులు భావిస్తున్నారు.
ఈ మధ్యాహ్నం విజయ్ తన నూతన మంత్రివర్గంతో కలిసి తొలి కేబినెట్ సమావేశాన్ని నిర్వహించనున్నారు. అందులో రాష్ట్ర అభివృద్ధి, విద్య మరియు ఉపాధిపై కీలక నిర్ణయాలు తీసుకునే అవకాశం ఉంది.