పోలీసులతో దాడులా..మేం అధికారంలోకి వస్తే?

పోలీసులతో దాడులు చేయించడం సరికాదని తాము అధికారంలోకి వస్తే ఇలానే చేస్తే ఎలా ఉంటుందో ఆలోచించాలని హితవు పలికారు వైసీపీ అధినేత, మాజీ సీఎం జగన్. పెందుర్తి, పాయకరావుపేట నియోజకవర్గాలకు చెందిన ఎంపీటీసీలు, జడ్పీటీసీలతో సమావేశమయ్యారు జగన్.

ఈ సందర్భంగా కూటమి ప్రభుత్వంలో ప్రజలు ఆస్తులు అమ్ముకోవాల్సిన పరిస్థితి వచ్చిందన్నారు. సీఎం హోదాలో ఉన్న వ్యక్తి ధర్మం, న్యాయాలను పరిరక్షించకపోతే ఈ పదాలకు అర్థమే ఉండదని హితవు పలికారు. పోలీసులను ప్రయోగించి అధికార దుర్వినియోగానికి పాల్పడటం సరికాదన్నారు.

ఎన్నికలప్పుడు సూపర్‌ సిక్స్‌ పేరుతో అడ్డగోలు హామీలు ఇచ్చి ఇప్పుడు ఆ హామీలను ఎగ్గొట్టే విధంగా చర్యలు తీసుకుంటున్నారన్నారు. చంద్రబాబు అధికారంలోకి వచ్చి 2 నెలలు అయ్యిందని ఇప్పటివరకు ప్రజలకు చేసిన మంచేమి లేదన్నారు. ప్రభుత్వ స్కూళ్లు నాశనం అవుతున్నాయని, రానున్న ప్రభుత్వ స్కూళ్లు ఉంటాయా? లేవో? అన్న పరిస్థితి నెలకొందన్నారు. అబద్ధం, అవాస్తవం అనే పునాదుల మీద ఏర్పడిన ఈ ప్రభుత్వం ఎక్కువ రోజులు మన్నన సాగిందన్నారు.