తమిళ నటుడు అభినయ్ ఇకలేరు. దీర్ఘకాలిక లివర్ వ్యాధితో బాధపడుతున్న ఆయన మృతిచెందారు. అభినయ్ వయస్సు 44 ఏళ్లు. మరణానికి కొద్ది నెలల ముందు, తన వైద్య చికిత్సకు ఆర్థిక సహాయం కోరుతూ చేసిన భావోద్వేగ విజ్ఞప్తి సోషల్ మీడియాలో వైరల్ అయ్యింది
ఆయన మరణ వార్త తమిళ సినీ పరిశ్రమను షాక్కు గురిచేసింది. అభినయ్ విడుదల చేసిన వీడియో తర్వాత, పరిశ్రమలోని పలువురు ఆయనకు ఆర్థిక సహాయం అందించారు. ధనుష్ తన పాత సహనటుడైన అభినయ్ వైద్య చికిత్స కోసం ₹5 లక్షలు విరాళంగా ఇచ్చారని, కామెడియన్ KPY బాలా ₹1 లక్ష సహాయం చేసినట్లు సమాచారం.
అభినయ్ తన సినీ జీవితాన్ని 2002లో ధనుష్ మరియు షెరిన్ సరసన కస్తూరి రాజా దర్శకత్వంలో వచ్చిన తుల్లువదో ఇళమైతో ప్రారంభించారు. ఆ సినిమా విజయంతో ఆయనకు కొత్త అవకాశాలు లభించాయి. సొల్ల సొల్ల ఇనిక్కుం,పలైవన సొలై చిత్రాల్లో ఆయన నటనకు అభిమానులు, విమర్శకులు ప్రశంసలు కురిపించారు.