మార్చి 19, 2026న యష్ నటించిన “టాక్సిక్” మరియు రణవీర్ సింగ్ నటించిన “ధురంధర్: ది రివెంజ్” మధ్య బాక్సాఫీస్ పోటీ ఎలా ఉండబోతుందో ట్రేడ్ వర్గాలు, సినీ అభిమానులు ఆసక్తిగా ఎదురుచూశారు. అయితే కేవీఎన్ ప్రొడక్షన్స్ “టాక్సిక్” విడుదలను జూన్ 4, 2026కి వాయిదా వేస్తున్నట్లు ప్రకటించడంతో పరిస్థితి మారిపోయింది. దీంతో ఇప్పుడు మొత్తం ఫోకస్ ధురంధర్ ది రీవెంజ్ పైకి మళ్లింది. 2025లో సంచలనం సృష్టించిన బ్లాక్బస్టర్కు ఇది సీక్వెల్ కావడంతో అంచనాలు భారీగా ఉన్నాయి.
ఆశ్చర్యకరంగా, ఈ సినిమాకు ఇంకా పెద్ద ఎత్తున ప్రమోషన్స్ ప్రారంభం కాలేదు. పాటలు, టీజర్ గ్లింప్స్ లేదా ముఖ్యమైన ప్రచార కంటెంట్ ఏదీ విడుదల కాలేదు. అయినప్పటికీ మొదటి భాగం ఘన విజయంతో అభిమానుల్లో ఉత్సాహం మాత్రం తగ్గలేదు.
“టాక్సిక్” వాయిదా పడటంతో “ధురంధర్: ది రివెంజ్”కు సోలో రిలీజ్ అవకాశం లభించింది. అదే రోజున మరో భారీ పాన్-ఇండియా సినిమా లేకపోవడంతో ఎక్కువ స్క్రీన్లు, అనుకూలమైన షో టైమింగ్స్ దక్కే అవకాశం ఉంది. ఇదే కాకుండా ఈద్ మరియు రామనవమి పండుగల సమయం రావడం కూడా ఓపెనింగ్ కలెక్షన్లకు ఊతమివ్వొచ్చు.
ఇప్పుడు స్క్రీన్ల విభజన సమస్య లేకపోవడంతో హిందీ మార్కెట్తో పాటు ఇతర ప్రాంతాల్లో కూడా ఈ సినిమాకు లాభం చేకూరే అవకాశం ఉంది. అయితే ఇది దర్శకుడు ఆదిత్య దార్పై మరింత బాధ్యతను పెంచింది. విడుదలకు రెండు వారాల సమయం మాత్రమే ఉండటంతో త్వరలోనే భారీ ప్రమోషనల్ క్యాంపైన్ ప్రారంభమవుతుందని, మార్చి 6, 2026న ట్రైలర్ విడుదలయ్యే అవకాశముందని సమాచారం.