వరస సినిమాలతో బిజీగా ఉన్న రెబల్ స్టార్ ప్రభాస్, ప్రస్తుతం సందీప్ రెడ్డి వంగా దర్శకత్వంలో తెరకెక్కుతున్న ‘స్పిరిట్’ షూటింగ్లో పాల్గొంటున్నారు. దాదాపు రెండు నెలల సుదీర్ఘ షెడ్యూల్ నిరంతరాయంగా కొనసాగుతోంది.
ఈ క్రమంలోనే ప్రభాస్ తెలుపు రంగు కుర్తా ధరించి, చేతిలో షాట్గన్ పట్టుకుని స్టైలిష్గా నడుస్తున్న ఒక ఫోటో సోషల్ మీడియాలో విపరీతంగా చక్కర్లు కొట్టింది. ఇది షూటింగ్ లోకేషన్ నుండి లీక్ అయిన ఫోటో అని చాలా మంది అభిమానులు నమ్మారు. కానీ, అది నిజం కాదు. ఎవరో కావాలనే దృష్టిని ఆకర్షించడానికి AI (ఆర్టిఫిషియల్ ఇంటెలిజెన్స్) ఉపయోగించి ఆ చిత్రాన్ని సృష్టించారు.
సోషల్ మీడియాలో కొంతమంది నిశితంగా గమనించే అభిమానులు అది ఫేక్ అని త్వరగానే గుర్తించారు. ఇప్పటివరకు సెట్స్ నుండి ఎలాంటి అధికారిక కంటెంట్ విడుదల కాలేదు. సరైన సమయంలో చిత్ర బృందం ప్రభాస్ అఫీషియల్ లుక్ పోస్టర్ను విడుదల చేయనుంది. అప్పటివరకు కేవలం నిర్మాణ సంస్థల అధికారిక ఖాతాల నుండి వచ్చే సమాచారాన్నే నమ్మాలని అభిమానులకు విజ్ఞప్తి చేస్తున్నారు.
ఈ సినిమాను టీ-సిరీస్ మరియు భద్రకాళి పిక్చర్స్ సంయుక్తంగా నిర్మిస్తున్నాయి. ప్రభాస్ సరసన త్రిప్తి దిమ్రి హీరోయిన్గా నటిస్తుండగా, వివేక్ ఒబెరాయ్ విలన్గా నటిస్తున్నారు. హర్షవర్ధన్ రామేశ్వర్ సంగీతం అందిస్తున్నారు.