టాలీవుడ్‌లో ప్రస్తుతం ఫుల్ స్వింగ్‌లో ఉన్న హీరోయిన్ శ్రీలీల. ఆమె నటించిన చిత్రాలు బాక్సాఫీస్ వద్ద విజయం సాధిస్తుండటంతో అగ్ర హీరోల దగ్గరి నుండి చిన్న హీరోల వరకు అంతా శ్రీలీలనే కోరుకుంటున్నారు. రీసెంట్‌గా భగవంత్ కేసరితో హిట్ కొట్టిన ఈ భామ చేతిలో అరడజనుకు పైగా సినిమాలున్నాయి.
ఇక ఈ సినిమా ప్రమోషన్ కార్యక్రమాల్లో భాగంగా ఆసక్తికర విషయాలను వెల్లడించింది. టాలీవుడ్ లో లిప్ లాక్ సీన్ చేయాల్సి వస్తే, ఎవరితో చేస్తారు? అని ఓ యాంకర్ అడిగిన ప్రశ్నకు ఇంట్రెస్టింగ్ ఆన్సర్ ఇచ్చింది. తాను ఏ హీరోతో లిప్ లాక్ సీన్లు చేయను అని ….ఒకవేళ అలా చేయాల్సి వస్తే మాత్రం తన భర్తకే తొలి కిస్ ఇస్తానని చెప్పింది. దీంతో శ్రీలీల తీసుకున్న డిసిషన్‌ను అంతా ఆహ్వానిస్తున్నారు.
ఇక పంజా వైష్ణవ్ తేజ్‌తో శ్రీలీల నటించిన ఆది కేశవ విడుదలకు సిద్ధంగా ఉండగా త్వరలో ప్రేక్షకుల ముందుకు రాబోతోంది. ప్రస్తుతం మహేష్ బాబుతో కలిసి గుంటూరు కారం , పవన్ కల్యాణ్‌తో ఉస్తాద్ భగత్ సింగ్ , విజయ్ దేవరకొండ, నితిన్ తో సినిమాలు చేస్తోంది.