బాలీవుడ్ స్టార్ రణవీర్ సింగ్కు మరోసారి ఎక్స్టోర్షన్ బెదిరింపు రావడం ముంబై సినీ వర్గాల్లో కలకలం రేపింది. ఆయనను లక్ష్యంగా చేసుకుని రూ.10 కోట్లను డిమాండ్ చేసినట్లు సమాచారం.
వార్తల ప్రకారం, అమెరికన్ నంబర్ నుంచి వాట్సాప్ వాయిస్ నోట్ ద్వారా ఈ బెదిరింపు సందేశం ఆయన మేనేజర్కు పంపబడింది. ఈ విషయాన్ని సీరియస్గా తీసుకున్న ముంబై పోలీసులు వెంటనే దర్యాప్తు ప్రారంభించారు.
ప్రాథమిక సమాచార ప్రకారం, జైలులో ఉన్న గ్యాంగ్స్టర్ లారెన్స్ బిష్ణోయ్ గ్యాంగ్తో సంబంధం ఉండొచ్చని పోలీసులు అనుమానిస్తున్నారు. అయితే దీనిపై అధికారిక నిర్ధారణ ఇంకా లేదు.
బెదిరింపు సందేశం వచ్చిన నంబర్ మూలాన్ని పోలీసులు ట్రేస్ చేస్తున్నారు. అలాగే ఆ వాయిస్ నోట్ నిజస్వరూపాన్ని కూడా పరిశీలిస్తున్నారు. జాగ్రత్త చర్యగా రణవీర్ సింగ్ భద్రతను మరింత కట్టుదిట్టం చేసే అవకాశం ఉందని తెలుస్తోంది. దర్యాప్తు కొనసాగుతున్న నేపథ్యంలో మరిన్ని వివరాలు త్వరలో వెల్లడయ్యే అవకాశముంది.