ప్రపంచంలోనే అత్యంత ఖరీదైన బంగారు డ్రెస్ ను తయారు చేసింది సౌదీ అరేబియాకు చెందిన అల్ రోమైజాన్ గోల్డ్ అనే సంస్థ. 10.5 కిలోల బరువుతో 24 క్యారెట్ల స్వచ్ఛమైన బంగారంతో నాలుగు భాగాలుగా డ్రెస్ తయారీ చేసింది.
బంగారు వస్త్రంలో వజ్రాలు, కెంపులు పొదగగా షార్జాలో జరిగిన 56వ మిడిల్ ఈస్ట్ వాచ్ అండ్ జ్యూవెలరీ ఎక్స్ పోలో ఈ డ్రెస్ను ప్రదర్శనకు ఉంచారు. 24 క్యారెట్ స్వచ్ఛమైన బంగారంతో తయారు చేసిన ఈ దుస్తి విలువ ₹9.65 కోట్లుగా ఉంది.
దీని బరువు 10 కిలోగ్రాములకు పైగా (సుమారు 22 పౌండ్లు) ఉండగా, ఇది ప్రపంచంలోనే అత్యంత బరువైన బంగారు డ్రెస్గా గిన్నిస్ వరల్డ్ రికార్డ్స్ గుర్తింపు పొందింది.బంగారు కిరీటం, చెవిపోగులు, గొలుసు, నడుము అలంకారం “హియార్”తో కూడిన పూర్తిస్థాయి బంగారు ఆభరణాల సమాహారం దీని ప్రత్యేకత. ఒక్క గొలుసు బరువు దాదాపు 9 కిలోలుగా ఉంది.
అల్ రోమైజాన్ గోల్డ్ ఉప మేనేజర్ మొహ్సెన్ అల్ ధైబాని మాట్లాడుతూ — ఇది దుబాయ్ను బంగారు మరియు ఆభరణాల ప్రేమికుల ప్రపంచ కేంద్రంగా నిలబెడుతుంది, అలాగే ఎమిరాతీ కళాకారుల సృజనాత్మకతను వేడుకగా జరుపుతుంది అని తెలిపారు.