ముక్కోణపు టీ20 సిరీస్లో భారత్ బంగ్లాపై విజయం సాధించింది ఫైనల్కు వెల్లింది. విపయంలో కెప్టెన్ రోహిత్ శర్మ, స్పిన్నర్ వాషింగ్టన్ సుందర్ కీలక పాత్ర పోషించారు. ఈ మ్యాచ్లో భారత యువ స్సిన్నర్ వాషింగ్టన్ సుందర్ సంచలన ప్రదర్శనతో ఆకట్టుకుంటున్నాడు.
బంగ్లాదేశ్తో బుధవారం రాత్రి జరిగిన మ్యాచ్లో నాలుగు ఓవర్లు బౌలింగ్ చేసిన సుందర్ 22 పరుగులు మాత్రమే ఇచ్చి మూడు వికెట్లు పడగొట్టాడు. కెరీర్లో ఐదో టీ20 మ్యాచ్ ఆడిన 18 ఏళ్ల సుందర్ విసిరిన బంతులకి బంగ్లాదేశ్ బ్యాట్స్మెన్ వద్ద సమాధానమే లేకపోయింది. ఆరంభంలోనే బంగ్లాదేశ్ టాప్-3 బ్యాట్స్మెన్ వికెట్లు పడగొట్టి ఆ జట్టుని ఒత్తిడిలోకి నెట్టిన ఈ తమిళనాడు స్పిన్నర్.
ఇన్నింగ్స్ రెండో ఓవర్ వేసిన వాషింగ్టన్ సుందర్ బౌలింగ్లో క్రీజు వెలుపలికి వచ్చిన బంగ్లాదేశ్ ఓపెనర్ లిటన్ దాస్.. బంతిని లాప్ట్ షాట్తో బౌండరీకి తరలించేందుకు ప్రయత్నించాడు. అయితే.. ఆఫ్ స్టంప్కి దూరంగా పడిన బంతి అనూహ్యంగా టర్న్ తీసుకుని.. అతనికి అందకుండా వెనక్కి వెళ్లిపోయింది. క్షణాల వ్యవధిలో దాన్ని అందుకున్న వికెట్ కీపర్ దినేశ్ కార్తీక్ వికెట్లని గీరాటేశాడు. దీంతో దాస్ నిరాశగా పెవిలియన్ బాట పట్టక తప్పలేదు.
నాలుగో ఓవర్లో బౌలింగ్కి వచ్చిన సుందర్ బౌలింగ్లో సౌమ్య సర్కార్ స్వీప్ షాట్కి ప్రయత్నించి క్లీన్ బౌల్డయ్యాడు. టర్న్ అవుతుందేమోనని భ్రమించి.. స్లాగ్లో బంతిని తరలించేందుకు స్వీప్ షాట్ ఆడగా.. అతని బ్యాట్కి అందకుండా నేరుగా వెళ్లిన బంతిని లెగ్ స్టంప్ని గీరాటేసింది. స్ట్రైట్ డెలివరీని ఆడలేని తన అసమర్థతని తిట్టుకుంటూ.. సౌమ్య సర్కార్ క్రీజు విడిచాడు.
తర్వాత.. ఆరో ఓవర్ వేసిన వాషింగ్టన్ సుందర్.. తమీమ్ ఇక్బాల్ని ఔట్ చేసిన విధానం మ్యాచ్కే హైలైట్గా నిలిచింది. ఆఫ్ వికెట్పైకి వెళ్లి.. తమీమ్ స్వీప్ షాట్ కోసం ప్రయత్నించగా.. లెగ్స్టంప్ని లక్ష్యంగా చేసుకుని సుందర్ బంతిని విసిరాడు. దీంతో ప్రమాదాన్ని పసిగట్టి.. కొద్దిగా వెనక్కి జరిగినా.. అప్పటికే బంతి తమీమ్ శరీరానికి అత్యంత సమీపం నుంచి వెళ్లి లెగ్ స్టంప్ బెయిల్ని పడగొట్టింది. బంతి వెళ్లిన తీరుతో.. తమీమ్కి కాసేపు దిమ్మ తిరిగిపోయింది.