మెగా పవర్ స్టార్ రామ్ చరణ్ తేజ్ ధృవ చిత్రం తర్వాత సుకుమార్ దర్శకత్వంలో ఓ సినిమా చేస్తున్న సంగతి తెలిసిందే. జనవరి 30న లాంఛనంగా ప్రారంభమైన ఈ సినిమా ఈ నెల 20 తేదీ నుంచి రెగ్యులర్ షూటింగ్ జరగనుంది. పక్కా గ్రామీణ నేపథ్యంలో సాగే ఈ స్టోరీ లో చరణ్ కూడా పల్లెటూరి కుర్రోడిగా కనిపించబోతున్నారు.
అయితే ఇదివరకు ఏ సినిమాలో కనిపించని విధంగా ఈ సినిమాలో చరణ్ కొత్త లుక్ లో కనిపించబోతున్నట్లు తెలుస్తోంది. అందుకోసమే గడ్డాన్ని పెంచుతున్నట్లు తెలిసింది. నిన్నవిజయనగరంలోని చెరుకుపల్లి అవంతి ఇంజనీరింగ్ కాలేజీ లో జరిగిన జాతీయ యువజనోత్సవంలో ఇదే లుక్ తో పాల్గొన్నారు. 1990 కాలంలో ఓ గ్రామంలో జరిగిన అందమైన లవ్ స్టోరీ ని సుకుమార్ వెండితెరపై ఆవిష్కరించనున్నారు. ఆనాటి యువతిగా సమంత తన అమాయకత్వమైన నవ్వుతో మరోసారి అందరి హృదయాలను దోచుకోనుంది.
ఈ మూవీ కోసం మనసుకు హత్తుకునే డైలాగ్స్ ని సాయి మాధవ్ బుర్రా రాసారని చిత్ర యూనిట్ వెల్లడించింది. మైత్రి మూవీ మేకర్స్ వారు నిర్మిస్తున్న ఈ మూవీకి దేవీ శ్రీ ప్రసాద్ సంగీతం అందించగా.. రత్నవేలు కెమెరా మెన్ గా పనిచేస్తున్నారు.
{youtube}MWoabj9AjCU{/youtube}
Related