పై ఢిల్లీ పోలీసులు కేసు నమోదు చేశారు. ఇటీవల Delhiలో జరిగిన రెండు వేర్వేరు హత్య కేసుల్లో){kind=link}
ఆన్లైన్లో చాకుల విక్రయాల విషయంలో క్విక్ కామర్స్ సంస్థ బ్లింకిట్ (Blinkit)పై ఢిల్లీ పోలీసులు కేసు నమోదు చేశారు. ఇటీవల Delhiలో జరిగిన రెండు వేర్వేరు హత్య కేసుల్లో నిందితులు ఉపయోగించిన కత్తులు బ్లింకిట్ ద్వారా కొనుగోలు చేసినట్లు దర్యాప్తులో బయటపడింది. ఈ నేపథ్యంలో సంస్థపై చట్టపరమైన చర్యలు ప్రారంభించారు.
ప్రభుత్వ నిబంధనల ప్రకారం, ఆన్లైన్ విక్రయాలకు అనుమతించబడిన ఫోల్డింగ్ పాకెట్ చాకుల బ్లేడ్ పరిమాణం గరిష్టంగా 7.62 సెం.మీ పొడవు, 1.72 సెం.మీ వెడల్పు మాత్రమే ఉండాలి. అయితే నిందితులు వినియోగించిన చాకులు సుమారు 8 సెం.మీ పొడవు, 2.5 సెం.మీ వెడల్పు ఉన్నట్లు పోలీసులు గుర్తించారు. ఇది నిబంధనలకు విరుద్ధమని అధికారులు తెలిపారు.
ఈ ఘటనతో ఆన్లైన్ వేదికల ద్వారా ప్రమాదకర వస్తువుల విక్రయాలపై మళ్లీ చర్చ మొదలైంది. కస్టమర్లకు సరఫరా చేసే ఉత్పత్తులపై సంస్థలు కఠిన తనిఖీలు చేపట్టాలనే అభిప్రాయాలు వ్యక్తమవుతున్నాయి. అలాగే విక్రయాల సమయంలో వయస్సు ధృవీకరణ, ఉత్పత్తుల పరిమాణాల పరిశీలన వంటి అంశాల్లో మరింత కట్టుదిట్టమైన చర్యలు అవసరమని నిపుణులు సూచిస్తున్నారు.
పోలీసులు కేసు నమోదు చేసి దర్యాప్తు కొనసాగిస్తున్నారు. నిబంధనల ఉల్లంఘన జరిగిందా లేదా అన్న దానిపై సమగ్ర విచారణ అనంతరం తదుపరి చర్యలు తీసుకోనున్నారు.