పసి పిల్లల కిడ్నాప్ మరియు విక్రయం కేసులో కీలక పరిణామం చోటుచేసుకుంది. కైకలూరు కేంద్రంగా పనిచేస్తున్న ఒక గ్యాంగ్ను పోలీసులు బయటపెట్టారు. ఈ కేసులో జనసేనకు చెందిన నాయకుడు ఏఎన్. బాబు తల్లి అబ్బిశెట్టి వీరమ్మను ప్రధాన సూత్రధారిగా గుర్తించి అరెస్ట్ చేశారు. ఆమెతో పాటు మరో ఐదుగురిని పోలీసులు అదుపులోకి తీసుకున్నారు.
పోలీసుల దర్యాప్తులో భాగంగా, అబ్బిశెట్టి వీరమ్మ గ్యాంగ్ ఇప్పటి వరకు కనీసం ఐదుగురు పిల్లలను విక్రయించినట్లు బయటపడింది. ఈ ఘటన స్థానికంగా కలకలం రేపుతోంది.
అదేవిధంగా, వీరమ్మకు విజయవాడలో పనిచేస్తున్న పిల్లల విక్రయ ముఠా సభ్యురాలు ఫరీనాతో సంబంధాలు ఉన్నట్లు పోలీసులు గుర్తించారు. ఈ లింకుల ద్వారా పెద్ద స్థాయి నెట్వర్క్ పనిచేస్తున్నట్లు అనుమానిస్తున్నారు.
ఈ కేసుకు సంబంధించి కీలక వివరాలను పోలీసులు వెల్లడిస్తూ, మరిన్ని అరెస్టులు జరిగే అవకాశముందని తెలిపారు. పిల్లల అక్రమ రవాణా నెట్వర్క్ను పూర్తిగా చేధించేందుకు దర్యాప్తు కొనసాగుతోంది.