టాలీవుడ్ ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో వస్తున్న ప్రతిష్టాత్మక చిత్రం ‘రాకా’. భారీ బడ్జెట్తో తెరకెక్కుతున్న ఈ సినిమా గురించి తాజాగా వినిపిస్తున్న వార్తలు అభిమానుల్లో ఉత్కంఠను పెంచుతున్నాయి. ఈ చిత్రంలో బన్నీ ఏకంగా నాలుగు భిన్నమైన పాత్రల్లో కనిపించనున్నట్లు తెలుస్తోంది.
అందిన సమాచారం ప్రకారం, ఈ సినిమాలో అల్లు అర్జున్ తాత, తండ్రి మరియు ఇద్దరు కొడుకులుగా మొత్తం నాలుగు వేర్వేరు పాత్రలను పోషిస్తున్నారు. తన కెరీర్లో ఇప్పటివరకు ఎప్పుడూ చేయని విధంగా మల్టిపుల్ రోల్స్లో బన్నీ కనిపించబోతుండటం ఇదే మొదటిసారి.
వాస్తవానికి ఈ చిత్రంలో తాత, తండ్రి పాత్రల కోసం ఇతర నటులను తీసుకోవాలని దర్శకుడు అట్లీ తొలుత భావించారు. కానీ, ఈ నాలుగు పాత్రలను తానే పోషిస్తానని అల్లు అర్జున్ స్వయంగా ప్రతిపాదించారట. ప్రారంభంలో అట్లీ కొంత సంశయించినా, లుక్ టెస్ట్ చేసిన తర్వాత ఈ ప్రయోగం సినిమాకు పెద్ద ప్లస్ పాయింట్ అవుతుందని ఆయన నమ్మారు. ప్రస్తుతం ఈ పాత్రల కోసం బన్నీ విభిన్నమైన లుక్స్తో సిద్ధమవుతున్నట్లు సమాచారం.
ఈ చిత్రంలో బాలీవుడ్ స్టార్ హీరోయిన్ దీపికా పదుకొణె కథానాయికగా నటిస్తోంది. ప్రపంచ స్థాయి ప్రేక్షకులకు సరికొత్త విజువల్ అనుభూతిని అందించేలా ఈ సినిమాను తెరకెక్కిస్తున్నట్లు అట్లీ హామీ ఇచ్చారు. ప్రస్తుతం ముంబైలో ఈ సినిమా కీలక షెడ్యూల్ షూటింగ్ జరుగుతోంది. ఈ భారీ ప్రాజెక్ట్ 2027లో ప్రపంచవ్యాప్తంగా థియేటర్లలో విడుదల కానుంది. నాలుగు పాత్రల్లో అల్లు అర్జున్ నటన ఎలా ఉండబోతుందనేది ఇప్పుడు ఇండస్ట్రీలో హాట్ టాపిక్గా మారింది. అధికారిక ప్రకటన కోసం అభిమానులు వేచి చూస్తున్నారు.