బాల‌య్య ఇంట్లో సంద‌డి చేసిన బాలీవుడ్ హీరోయిన్‌

బాలీవుడ్ హీరోయిన్ విద్యాబాలన్ హీరో బాల‌కృష్ణ ఇంట్లో సంద‌డి చేసింది.సీనియ‌ర్ ఎన్టీఆర్ జీవిత క‌థ‌ను సినిమా తెర‌కెక్కిస్తున్న సంగ‌తి తెలిసిందే. ‘ఎన్టీఆర్’లో కీలకమైన బసవతారకం పాత్రను బాలీవుడ్ నటి విద్యాబాలన్ పోషిస్తున్న సంగతి తెలిసిందే. తాజాగా విద్యాబాల‌న్ ఈ సినిమా ఫూటింగ్‌లో పాల్గొన్నారు.

అంతకుముందే హైదరాబాద్ చేరుకున్న ఆమె, బాలయ్యతో పాటు ఎన్టీఆర్ కుటుంబీకులను కలసి బసవతారకం గురించి మరిన్ని విషయాలు తెలుసుకునే ప్రయత్నం చేసింది. ఈ క్రమంలో బాలయ్య ఇంటికి విద్యాబాలన్ వెళ్లింది. తమ ఇంటికి వచ్చిన ఆమెను బాలయ్య, ఆయన భార్య వసుంధర, కుమార్తె తేజశ్విని, అల్లుడు భరత్, సోదరి లోకేశ్వరిలు సాదరంగా ఆహ్వానించారు. ఆమెకు చీరను బహూకరించారు.