ఇది అరుదైన గౌరవం. ఇది అందరూ ఆనందపడే సమయం. ఇది అందరికి స్ఫూర్తి నింపే సందర్భం. మన రాష్ట్రం కాదు. అలాగని మన దేశమూ కాదు. కాని ఓ గొప్ప సంఘటన. బ్రిటన్ రాజధాని లండన్ మహా నగరానికి మేయర్ గా ఓ ముస్లీం ఎన్నికయ్యాడు. అంతేకాదు.. అతను పాకిస్తాన్ లో ఓ బస్సు డ్రైవర్ కొడుకు కావడం మరో విశేషం.
లండన్ మున్సిపాలిటీ ఎన్నికల్లో లేబర్ పార్టీ తరఫున పోటీ చేసిన సాధిఖ్ ఖాన్ఘనవిజయం సాధించారు. సాదిక్ పాకిస్తాన్ లో నివాసముంటున్న ఓ బస్సు డ్రైవర్ కుమారుడు కావడం విశేషం. ఈ విజయంతో లేబర్ పార్టీ లండన్ మున్సిపాలిటీలో ఎనిమిదేళ్ల తర్వాత తన జెండా ఎగురవేసింది.
ఎంతో ప్రతిష్టాత్మకంగా జరిగిన ఈ ఎన్నికల్లో లేబర్ పార్టీ అభ్యర్ధిగా పోటీ చేసిన సాదిక్ ఖాన్ తన ప్రత్యర్ధి, కన్జర్వేటివ్ పార్టీ అభ్యర్థి జాక్ గోల్డ్ స్మిత్ పై 9శాతం ఓట్ల ఆధిక్యంతో అపూర్వ విజయం సాధించారు. ఈ ఎన్నికల్లో గెలుపొందాలంటే ఎవరికైనా 50 శాతం ఓట్లు రావాలి. అయితే సాదిక్ మాత్రం 46 శాతం ఓట్లు మాత్రమే వచ్చాయి. దీంతో రెండో ప్రాధాన్యతా ఓట్లను లెక్కించి అందులో ఎక్కువ ఓట్లు వచ్చిన సాదిక్ ను మేయర్ అభ్యర్ధిగా ప్రకటించారు.