శశిరేఖ సాంగ్‌తో దుమ్మురేపనున్న చిరు!

మెగాస్టార్ చిరంజీవి ప్రధాన పాత్రలో నటిస్తున్న ‘మన శంకర వర ప్రసాద్ గారు’ (MSG). అనిల్ రావిపూడి దర్శకత్వంలో రూపొందుతున్న తాజా ఫ్యామిలీ ఎంటర్‌టైనర్‌లో చిరు సరసన నయనతార హీరోయిన్‌గా నటిస్తోంది. ఈ చిత్రం సంక్రాంతి 2026 విడుదలకు సిద్ధమవుతోంది.

ఈ ఉదయం టీమ్ రెండో సింగిల్ ‘శశిరేఖ’ రిలీజ్ తేదీని ప్రకటించింది. సాంగ్ డిసెంబర్ 8, 2025న విడుదల కానుండగా ప్రోమో డిసెంబర్ 6, 2025న రానుంది. ఈ అప్డేట్‌ను అనిల్ రావిపూడి సోషల్ మీడియాలో షేర్ చేస్తూ, పాటకు సంబంధించిన చిరంజీవి స్టైలిష్ స్టిల్‌ను కూడా పోస్ట్ చేశారు.

స్టిల్‌లో చిరు బోల్డ్ రెడ్ ఫ్లోరల్ షర్ట్‌ను కాస్త అన్‌బటన్ చేసి క్యాజువల్ టచ్‌ ఇచ్చారు. దానికి కాంబినేషన్‌గా వైట్ ట్రౌజర్స్‌, బేజ్-గ్రే షేడ్స్‌లో ఉన్న చంకీ సోల్స్‌తో స్లిప్-ఆన్ స్నీకర్స్‌ను ధరించారు. సన్‌గ్లాసెస్‌, వాచ్‌, ఒక చెయ్యి జేబులో పెట్టుకున్న ఆ పోజ్‌లో చిరు సింపుల్‌గా, కానీ అద్భుతమైన కాన్ఫిడెన్స్‌తో మెరిసిపోయారు.

ఈ పాటను భీమ్స్ స్వయంగా కంపోజ్ చేసి పాడగా, మధు ప్రియా ఫీమేల్ వోకల్స్ అందించారు. భాను మాస్టర్ కొరియోగ్రఫీ చేసిన ఈ పాటలో చిరు తన ట్రేడ్‌మార్క్ ఈజ్‌తో స్టెప్పులు వేసినట్లు సమాచారం. ప్రోమో ఎంటర్టైనింగ్‌గా ఉండబోతోందని, తర్వాత పూర్తి లిరికల్ వీడియో విడుదల కానుందని టీమ్ తెలిపింది.

ఈ చిత్రాన్ని సాహు గరపాటి, సుష్మిత కొణిదెల షైన్ స్క్రీన్స్ మరియు గోల్డ్ బాక్స్ ఎంటర్‌టైన్‌మెంట్ బ్యానర్లపై నిర్మిస్తున్నారు.