బాలీవుడ్ స్టార్ రణ్వీర్ సింగ్ నటించిన ధురంధర్ 2 బాక్సాఫీస్ వద్ద రికార్డులను తిరగరాస్తోంది.ఆదిత్య దర్ దర్శకత్వంలో తెరకెక్కిన ఈ స్పై యాక్షన్ థ్రిల్లర్ దేశీయ, అంతర్జాతీయ మార్కెట్లలో అద్భుత ప్రదర్శన కనబరుస్తూ రూ.1000 కోట్ల గ్రాస్ మైలురాయికి చేరువలో ఉంది.
ఉత్తర అమెరికా మార్కెట్లో ఈ చిత్రం విడుదలైన కేవలం 6 రోజుల్లోనే $26 మిలియన్ వసూళ్లను దాటింది. ఇది సినిమా జోరును స్పష్టంగా చూపిస్తోంది. మరోవైపు భారత్లో మంగళవారం నాటికి సుమారు ₹54 కోట్ల నెట్ కలెక్షన్లు సాధించి, బాక్సాఫీస్పై తన ఆధిపత్యాన్ని కొనసాగిస్తోంది.
హిందీలో వేగంగా ₹500 కోట్ల నెట్ వసూళ్లు సాధించిన చిత్రంగా ధురంధర్ 2, పుష్ప 2 రికార్డును అధిగమించింది. కేవలం 5 రోజుల్లోనే ఈ ఘనత సాధించడం విశేషం. ఈ చిత్రంలో సంజయ్ దత్, అర్జున్ రాంపాల్, సారా అర్జున్, మాధవన్, రాకేష్ బేడి కీలక పాత్రల్లో నటించారు. ప్రతి రోజూ కొత్త రికార్డులను సృష్టిస్తూ, ‘ధురంధర్ 2’ బాక్సాఫీస్ వద్ద కొత్త రికార్డులను సెట్ చేస్తోంది.