అనుష్క అభిమానులంతా ‘భాగమతి’ సినిమా కోసం ఎంతో ఆసక్తిగా .. ఆత్రుతగా ఎదురుచూస్తున్నారు అభిమానులు. ఈ నేపథ్యంలో అనుష్క పుట్టిన రోజు సంద‌ర్భంగా ఈ సినిమా నుంచి ఫస్టులుక్ వచ్చింది. ఈ పోస్టర్ బయటికి వచ్చిన తరువాత .. ఇది ఫాంటసీ టచ్ తో కూడిన కథ అనీ, అనుష్క ద్విపాత్రాభినయం చేస్తోందనే ప్రచారం జరుగుతోంది. దాంతో ఈ విషయంపై దర్శకుడు అశోక్ స్పందిస్తూ, ఫాంటసీని ఏ రకంగానూ టచ్ చేయని కథ ఇదని అన్నారు.
ఇక అనుష్క ద్విపాత్రాభినయం గురించి జరుగుతోన్న ప్రచారంలో ఎంత మాత్రం నిజం లేదని చెప్పారు. డిఫరెంట్ కాన్సెప్ట్ తో .. థ్రిల్లింగ్ గా అనిపించే స్క్రీన్ ప్లే తో ఈ సినిమా కొనసాగుతుందని అన్నారు. ‘అరుంధతి’ .. ‘రుద్రమదేవి’ మాదిరిగానే ‘భాగమతి’ కూడా అనుష్క కెరియర్లో చెప్పుకోదగిన సినిమాగా నిలిచిపోతుందనే నమ్మకంతో అభిమానులు వున్నారు. ఈ మ‌ధ్య‌నె విడుద‌ల‌యిన పోస్ట‌ర్‌తో సినిమాపై భారీ అంచ‌నాలు పెరిగాయి. సంక్రాంతికి ఈ సినిమాను రిలీజ్ చేసే అవకాశాలు ఎక్కువగా కనిపిస్తున్నాయి. మ‌రో సారి అనుష్క విశ్వ‌రూపం చూడాలంటె సంక్రాంతి వ‌ర‌కు ఆగాల్సిందే…