వరుస విజయాలతో జోరుమీదున్నారు యువ కథానాయకుడు నాని. ‘అ!’ చిత్రంతో నిర్మాతగా కొత్త బాధ్యతలను కూడా చక్కగా నిర్వర్తించారు. ఇక త్వరలోనే నాని మరో కొత్త పాత్రలోఅల‌రించ‌బోతున్న‌ట్లు సమాచారం. బుల్లితెరపై తెలుగు ప్రేక్షకులను అలరించిన షో ‘బిగ్బాస్ ఎన్టీఆర్ వ్యాఖ్యాతగా వ్యవహరించిన ఈ షోకు మంచి ఆదరణే లభించింది. ఈ నేపథ్యంలో త్వరలోనే ‘బిగ్బాస్ సీజన్-2’ను ప్రారంభించాలని నిర్వాహకులు యోచిస్తున్నారు. అయితే సీజన్-2కు వ్యాఖ్యాతగా వ్యవహరించ‌డానికి ఎన్టీఆర్ నిరాక‌రించ‌డంతో న్యాచుర‌ల్ స్టార్ నాని వ్య‌వ‌హ‌రిస్తార‌నే టాక్‌ వినిపిస్తోంది.
బిగ్బాస్ సీజన్-’లో ప్రధాన ఆకర్షణ ఎన్టీఆర్. ఈ షోకు జూనియర్ ఎన్టీఆర్ తన హావభావాలతో, డైలాగ్స్ తో ఆ షోను ఎంతో రక్తికట్టించాడు. అయితే ప్రస్తుతం త్రివిక్రమ్‌ దర్శకత్వంలో తెరకెక్కబోయే చిత్రంతో ఆయన బిజీగా ఉన్నారు. ఈ నేపథ్యంలో ‘బిగ్బాస్ సీజన్-2’ డేట్లు సర్దుబాటు చేసే అవకాశం లేకుండా పోవడంతో వ్యాఖ్యాతగా వ్యవహరించలేనని నిర్వహకులకు చెప్పేశారట.
ఎన్టీఆర్ నో చెప్ప‌డంతో షాక్ తిన్న షో నిర్వాహ‌కుల ఆలోచ‌న నానిమీద‌కు మ‌ళ్లిందంట . వెండితెరపై తనదైన నటనతో ప్రేక్షకులను ఆకట్టుకున్న నాని.. అభిమానులతో‘నేచురల్‌స్టార్‌’ అని పిలిపించుకునే స్థాయికి ఎదిగారు.యువ‌త‌లో నానికి మంచి పేరుంది. ఇటీవల జరిగిన ఐఫా ఉత్సవంలో నటుడు రానా తో కలిసి నాని వ్యాఖ్యాతగా వ్యవహరించారు.అందుకే త్వరలో బుల్లితెరపై సందడి చేయనున్నారని సమాచారం.