డాన్ లుక్‌లో శర్వానంద్ అదుర్స్‌

యంగ్ హీరో శ‌ర్వానంద్ వ‌రుస సినిమాలు చేస్తు ఫుల్ బిజీగా ఉన్నాడు. ఈ మ‌ధ్య శ‌ర్వానంద్‌కు కాలం కలిసి రావ‌డం లేదు. ఇటీవ‌లే ప‌డి ప‌డి లేచే మ‌న‌స్సు సినిమాతో ప్రేక్ష‌కుల ముందుకు వ‌చ్చాడు. ఈ సినిమా బాక్సాఫీస్ వ‌ద్ద ఘోరంగా ఫెయిల్ అయింది. ఈ సినిమా త‌రువాత శ‌ర్వా చాలా సెలెక్టివ్‌గా సినిమాలు చేస్తున్నాడు. శ‌ర్వానంద్ ప్ర‌స్తుతం సుధీర్ వ‌ర్మ‌తో ఓ సినిమా చేస్తున్నాడు. ఈ రోజు శ‌ర్వానంద్ పుట్టిన రోజు కావ‌డంతో సినిమా నుంచి ఫ‌స్ట్ లుక్‌ను విడుద‌ల చేశారు.

ఈ సినిమాలో శ‌ర్వానంద్ గ్యాంగ్ స్టర్‌గా క‌నిపించ‌నున్నాడ‌ని టాక్ వినిపిస్తోంది.త్వరలోనే సినిమా టైటిల్ తో పాటు టీజర్ ని కూడా రిలీజ్ చేయనున్నారు. ఈ సినిమాలో శ‌ర్వానంద్‌కు జోడిగా స్టార్ హీరోయిన్ కాజల్ అగర్వాల్ నటిస్తోంది. హీరోయిన్‌ కళ్యాణి ప్రియదర్శిని కూడా ఒక ప్రత్యేక పాత్రలో కనిపించనుంది. సినిమాను వ‌చ్చే స‌మ్మ‌ర్‌లో విడుద‌ల చేయ‌డానికి స‌న్నాహాలు చేస్తున్నారు.