యశ్ నటిస్తున్న ‘టాక్సిక్’ సినిమా వాయిదా పడటంతో, రామ్ చరణ్ నటిస్తున్న ‘పెద్ది’ చిత్రాన్ని జూన్ 4న విడుదల చేయాలని మేకర్స్ భావిస్తున్నారు. ఈ నేపథ్యంలో రామ్ చరణ్ బాడీ ట్రాన్స్ఫర్మేషన్కు సంబంధించి ఒక క్రేజీ అప్డేట్ బయటకు వచ్చింది.
ఈ స్పోర్ట్స్ యాక్షన్ డ్రామా కోసం రామ్ చరణ్ బాడీని తీర్చిదిద్దిన ప్రముఖ ఫిట్నెస్ ట్రైనర్ రాకేష్ ఉడియార్, తాజాగా ఒక ఇంటర్వ్యూలో ఆసక్తికర విషయాలు వెల్లడించారు. ఈ సినిమా కోసం చరణ్ మూడు రకాల ఫిజికల్ ట్రాన్స్ఫర్మేషన్స్ చేసుకున్నారని ఆయన తెలిపారు.
ఒకటి పల్లెటూరి కుర్రాడిగా క్రికెట్ ఆడే లీన్ లుక్ (సన్నగా ఉండే రూపం) కాగా, రెండవది భారీ కాయంతో కనిపించే పహిల్వాన్ లుక్ (బల్క్ బాడీ). అయితే, మూడవ లుక్ను మాత్రం చిత్ర బృందం చాలా రహస్యంగా ఉంచింది. ఈ లుక్ అభిమానులకు పెద్ద సర్ప్రైజ్గా ఉంటుందని రాకేష్ పేర్కొన్నారు.
దర్శకుడు బుచ్చిబాబు సానా ఈ మూడవ లుక్ను సినిమాలో చాలా పవర్ఫుల్గా డిజైన్ చేసినట్లు తెలుస్తోంది. 16 నెలల పాటు కష్టపడి చరణ్ సాధించిన ఈ బాడీ ట్రాన్స్ఫర్మేషన్ సినిమాకే హైలైట్గా నిలవనుంది. జూన్ 4న సినిమాను విడుదల చేయాలని అభిమానులు కోరుతుండటంతో, ఈ కొత్త అప్డేట్ ‘పెద్ది’ సినిమాపై అంచనాలను ఒక్కసారిగా పెంచేసింది.