నేషనల్ క్రష్ రష్మిక మందన్న మరోసారి అంతర్జాతీయ స్థాయిలో వార్తల్లో నిలిచింది. మే 23న టోక్యోలో జరగనున్న ప్రతిష్టాత్మక ‘గ్లోబల్ యానిమే అవార్డ్స్ 2026’ (Global Anime Awards 2026) లో ఆమె పాల్గొనబోతోంది.
రెండేళ్ల క్రితం ఇదే వేడుకలో అతిథిగా మెరిసిన రష్మిక, ఈసారి అంతకంటే పెద్ద పాత్రలో కనిపించనుంది. ఈ మెగా ఈవెంట్కు ఆమె ఒక హోస్ట్ (నిర్వాహకురాలు) గా వ్యవహరించనుండటం విశేషం.ప్రపంచ ప్రసిద్ధ పాప్ స్టార్ ది వీకెండ్ (The Weeknd) కూడా ఈ వేడుకలో పాల్గొంటున్నారు. రష్మిక ఆయనతో కలిసి స్టేజ్ను పంచుకోనుండటం ఆమె గ్లోబల్ ఇమేజ్ను మరింత పెంచనుంది.
రష్మికకు ‘యానిమే’ (Anime) అంటే ఎంత ఇష్టమో అందరికీ తెలిసిందే. జపాన్లోని యానిమే అభిమానులతో ఆమెకు ప్రత్యేకమైన అనుబంధం ఉంది. ఇటీవల పుష్ప 2 ప్రమోషన్ల కోసం జపాన్ వెళ్ళినప్పుడు ఆమెకు అక్కడ అద్భుతమైన ఆదరణ లభించింది.
ఈ అంతర్జాతీయ వేడుక ద్వారా జపాన్తో పాటు ప్రపంచవ్యాప్తంగా రష్మిక క్రేజ్ భారీగా పెరిగే అవకాశం ఉందని సినీ విశ్లేషకులు భావిస్తున్నారు.భారతీయ నటిగా అంతర్జాతీయ వేదికలపై రష్మిక మందన్న దూసుకుపోతుండటం పట్ల ఆమె అభిమానులు హర్షం వ్యక్తం చేస్తున్నారు.