కెరియర్ స్టార్టింగ్‌లో లవర్ బాయ్ అవతారంలో అలరించారు ప్రభాస్. ముఖ్యంగా వర్షం, మిస్టర్ పర్ ఫెక్ట్, డార్లింగ్ వంటి చిత్రాల్లో లవర్ బాయ్‌గా అమ్మాయిల మనసుల్ని కొల్లగొట్టేశాడు. గోపీచంద్ ‘జిల్’ చిత్రానికి దర్శకత్వం వహించిన రాధాకృష్ణ ప్రభాస్ కోసం ఓ ప్రేమకథా చిత్రాన్ని రెడీ చేశారు. ఈ చిత్రంలో ప్రభాస్ ఫుల్ లెంగ్త్ లవర్ బాయ్‌గా అలరించనున్నారట.
ఇటీవలే ఈ సినిమా ఒక షెడ్యూల్ షూటింగును పూర్తిచేసుకుంది. ఈ సినిమా 1960 కాలంనాటి ప్రేమకథగా రూపొందుతుందనీ, శ్రీమంతుడి పాత్రలో ప్రభాస్ కనిపించనున్నాడనే వార్త ఇటీవలే బయటికి వచ్చింది. ఈ సినిమాలో పూజా హెగ్డే క్యారెక్ట‌ర్ ఏంట‌నేది బ‌య‌ట‌కు వచ్చింది. పూజ పేదింటి అమ్మాయిగా కనిపించనుందనేది తాజా సమాచారం.
ఈ పేదింటి అమ్మాయిలో ప్రేమలో అంతటి శ్రీమంతుడు ఎలా పడతాడు? అందుకు దారితీసిన పరిస్థితులు ఏమిటి? అనేది చాలా ఆసక్తికరంగా ఉంటుందట. అనూహ్యమైన మలుపులతో కొనసాగుతూ ఈ కథ కట్టి పడేస్తుందని అంటున్నారు. యాక్షన్ తో కూడిన ఈ ప్రేమకథను తెలుగుతో పాటు తమిళ .. మలయాళ భాషల్లో విడుదల చేయనున్నట్టు తెలుస్తోంది. జిల్ దర్శకుడితో.. జిగేల్ రాణితో ప్రభాస్ జిల్ జిగేల్ మనిపించడం ఖాయమే అంటున్నారు రెబల్ ఫ్యాన్స్.
- సాయి పల్లవి..బర్త్ డే స్పెషల్
- అదిరే న్యూస్..కన్నప్ప సెట్స్ లో ప్రభాస్
- తండ్రి కొడుకులు..తాత,మనవళ్లుగా!
- డల్లాస్‌లో చంద్రబోస్ , ఆర్‌పీలకు ఆత్మీయ సన్మానం
- సుహాస్‌కి పొలిటికల్ ఆఫర్!
- టాలీవుడ్ అంటే చిన్నచూపు:రానా